Popular Bible Verses from Salmo 95

Share

Omali kayo ta mandokmog ya manyakog-ong tako ay mandayaw en Yahweh ay namarsua en datako. Tan sisya din Diyos tako ya datako di ipogaw na ay maiarig si karnero ay ay-ayowanana. Dengngen yo koma ed wani ay agew din kalin Diyos Apo.

Omali kayo ta mankanta ya manragsak tako, ipigsa takon pangdayaw takon Diyos Apo. Maiarig sisyas dakdake ay bato ay pankamangan ta maisalakan tako. Emey tako sin sangoanana ay man-iyaman en sisya, manragsak tako ay mangidayaw babaen si kankanta.

Tan si Yahweh yan manakabalin ay Diyos ya ari ay nangatngato mo din amin ay sinan didiyos.

Iturayana din intiro ay daga manipod sin kaonegan ay liyang enggana sin dontog ay kakayangan.