Popular Bible Verses from Salmo 91

Share

kanana, “Sik-a, Yahweh, di salaknib ko ya pankamangak, sik-a din Diyos ay daydayawek ya pantalkak.”

Olay sino ay emey en Diyos ay Manakabalin Am-in ya Kangatoan, ta sisya di kanayon ay ena pankamangan ya panpaayowanan

Mo mankararag en sak-en et songbatak sisya, kadkadwaek sin timpon di ligat na et isalakan ko ya bindisyonak ta madayaw sisya.

Bilinen Diyos din aanghel na ta en daka ayowanan, olay intoy em-emeyam.

Kaman kan kiyap ay sakokoan di ina na. Magay pan-egyatam tan wadas sisya ay mangayowan en sik-a. Matalek sisya et kaman mon salida.

Gapo ta si Yahweh ay Kangatoan di kinamang mo ay pansalinan, magay lawa ay mapasamak en sik-a ono somag-en sin beey mo ay mamaligat en sik-a.

Ilisi daka sin kaman bito ay maknaam ya kaeegyat ay sakit ay kateyam.

Olay ad-ado di matey sin asag-en mo, ngem adi ka pay maan-ano.

Sin labi et magay pan-egyatam, olay din panan di kalaban sin kaagawan. Sin labi ya kaagawan, magay pan-egyatam, olay dimonyo ono bigla ay sakit ay kateyan.