Popular Bible Verses from Salmo 42

Share

Apay pay laeng ay mariribok ya manladingitak? Sik-a, Apo di pantalkak, tan sik-a di omisalakan ya Diyos ko, et sik-a kasin di idaydayaw ko.

Din iliw ko, Apo, ay en mandaydayaw sin Timplom et kaman din bigaw di ogsa si man-ay-ayos ay danom. Palalo di iliw ko en sik-a, Diyos ay matmatago. Pig-an pay di makaeyak ay mandayaw sin beey mo?

Apay pay laeng ay mariribok ya manladingitak? Sik-a, Apo di pantalkak, tan sik-a di omisalakan ya Diyos ko et sik-a kasin di idaydayaw ko.

Inagew ya linabi ay enak manlolowa, adiak pay mangmangan tan dagaang ko et maga. Kankanayon abe ay kankanan di kaibaw ko, “Into ngin din kanam en Diyos mo?”

Peteg di ladingit ko, isonga ninemnem kos sik-a sin kawadak sin sakop di Jordan ay naiaddawi ay daga, sin sag-en di dontog ay Hermon ya Mizar, tan sina kayman di kad-ak ay lugar.