Popular Bible Verses from Salmo 143

Share

Itdoam kod sak-en ay mangonod sin laydem, tan sik-a di enak daydayawen. Managseg-ang ka et sapay koma ta omiturong ka si biyag ay natalna.

Inagsapa koma ay ipanemnem mo din adi manbalbaliw ay layad ya seg-ang mo, tan sik-a di pantalkak, Apo. Sik-a anggoy di pankararagak, itdom kod di kosto ay pandanak.

Sik-a di pankamangak ta somalaknib ka, sin kalaban ko, omisalakan ka koma.

Salaknibam koma nan biyag ko ta say maidayaw di ngadan mo. Gapo sin kinalinteg mo, omisalakan ka kod sin problimak, Apo.

Apo, dengngem kod nan kararag ko. Gapo sin kinalinteg mo ya kinamatalek mo, songbatam kod nan kararag ko.

Sapay koma ta patgam ay dagos nan kararag ko, tan nay enggay kinmapsot di nemnem ko. Adi ka kod somigsigaan into et mo din kad-an di natey di enak domatngan.

Manemnem ko ed bayag, Apo, manemnem ko din inam-amag mo.