Popular Bible Verses from Proverbio 4

Share

Ilaem ta mas es-estem din nemnem mo mo olay sino ay nabanol en sik-a, tan say poon di biyag mo.

ta doritso ya mapteng di pandanam.

Adi ka man-et-etek ono manbolboladas.

Say kapatgan ay banag din sirib, isonga ipakat moy am-in ay kabaelam ay mangon-od olay intoy kaligat na, siya abe sin panakaawat.

Din pomatpat-aana sin agsapa et say kaiarigan din danan di nalinteg. Pomat-a ay pomat-a enggana ay komayang din agew. Ngem mabolinget ay kaman labi din danan di managbasol et adi da ammo di kaisokbaan da.

Adi kan dokdokogan et say mangayowan en sik-a, ipateg mo et salakniban daka.

Adi kan linglinglingan din inad-adal mo. Ayowanam tan say poon di biyag mo.

Adi kan em-emey sin em-emeyan di mangam-amag si lawa ya adi kan on-onodan din am-amagen da.

Anak ko, estem ay dengngen din pamagbagan di esay ama ta mawadaan kas panang-awat.