Popular Bible Verses from Proverbio 3

Share

Imongsan mo di amin ay nemnem mo ay mantalek en Diyos, ta baken din bokod mo ay panang-awat di pantalkam. Sisya di bigbigem ya onodam sin amin ay amagem et isagana na din pandanam ta maidoritso.

Adi ka ipapangato di nemnem mo begew sin mismo ay laing mo. Patgem si Diyos ya dokogam di lawa.

Dayawem si Diyos babaen sin pangidatonam si pilak ya damo ay apit mo. Mo say iyat mo di, mapno din agamang mo ya mansobsobra di arak mo.

Ipailam da nay ay ogali ay kaman kowintas ay maikeke ya igtom abe sin nemnem mo.

Anak ko, adi kan lalasoyen din pamagbagan Diyos. Adi koman mansakit di nemnem mo mo bagbagaan daka. Tan bagbagaan Diyos din laylaydena ay kaman din iyat di ama sin laylaydena ay anak na.

Anak ko, adi ka liwliw-an din init-itdok ya bilbilin ko mo adi et nenemnemem ta say omando ya somiged di biyag mo. Kanayon koma ay ipailam din napodno ay layad mo ya komakaman ka ay matalek.

Nagasat din makagon-od si sirib ya panang-awat. Tan din sirib et nabanbanol mo palata ya balitok. Nabanbanol mo olay sino ay nangina ay al-altin di awak ya magay makaiso sin olay sino ay laydelaydem.

Seg-angam din makasapol, dalo et mo waday maibadang mo.

Babaen sin sirib ya laing Diyos, pinarsua na din daga ya din wada ed daya.