Popular Bible Verses from Azã 14

Share

Mam basrɩ sũ-mã'asʋm bɔ ya, mam mẽŋa sũ-mã'asʋm tɩ mam bɔ'ɔrɩ ya. Mam ka bɔ'ɔrɩ ya wʋ dũnia n bɔ'ɔrɩ se'em na. Da basɛ-ya tɩ ya sũure sã'am, da zɔta-ya dabeem.

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Azezi le yele ba yetɩ: «Da basɛ-ya tɩ ya sũure sã'am. Bɔ-ya Nawẽnnɛ sɩra, la ya bɔ mam mẽ sɩra.

La Sõŋra la, mam Sɔ Nawẽnnɛ Sɩa la tɩ a wʋn tõm na mam yʋ'ʋrɛ tɩ a wa'am ya zẽ'am na, ẽŋa n wʋn zãsʋm ya sɛla woo, dee tẽegɛ ya bõn-sɛba wuu tɩ mam yele ya la.

Sɛka n bãŋɛ mam nõorɛ la tɩ mam bɔ la, dee sakra ɩta bɛla, la de la ẽŋa n nõŋɛ mam. Mam Sɔ la wʋn nõŋɛ sɛka n nõŋɛ mam na mɛ. La mam wʋn nõŋɛ ẽŋa dãana, dee dɩkɛ m mẽŋa pa'alɛ ẽ.»

La mam wʋn sose m Sɔ la, tɩ a bɔ ya Sõŋra ayẽma tɩ a bɔna la ya lɛ wakatɛ n ka ba'asrɩ. A de la sɩra Sɩa tɩ dũnia dõma ka tã wʋn to'oge ẽ, se'ere n soe la, ba ka tã wʋn yẽ ẽ, la ba ka mi ẽ. La yãma mi ẽ, se'ere n soe la, a boe la ya zẽ'am, la a wʋn bɔna la ya lɛ.

La bõn-sɛba wuu tɩ ya wʋn sose la mam yʋ'ʋrɛ, mam wʋn ẽŋɛ bɔ ya tɩ m Sɔ la yẽ nã'asgɔ a Dayʋa la ĩyã. Ya sãn sose sɛla la mam yʋ'ʋrɛ, mam wʋn ẽŋɛ.»

«Ya sãn nõŋɛ mam, ya wʋn sakɛ mam nõorɛ la mɛ.

Kẽ'a zẽ'esɩ boe mam Sɔ Nawẽnnɛ yire zo'oge mɛ. Mam we'esɩ tɩ m ka malgɛ la zẽ'a ya ĩyã. La sãn dagɩ nɩ bɛla, mam kãn yele nɩ ya.

La mam sãn sẽŋɛ ka malgɛ zẽ'a la ya ĩyã, mam wʋn leme wa'am wa tarɩ ya sẽŋɛ mam zẽ'am, tɩ mam n boe zẽ'a na, yãma mẽ bɔna bilam.

Tɩ Atoma yele ẽ yetɩ: «Zuudãana, tõma ka mi fõn we'esɩ zẽ'a na, tõma wʋn ẽŋɛ la wãne tã'agɛ bãŋɛ a sore?»