Popular Bible Verses from Impezayag 7

Share

Ne neipus haazà ne neehè ku is utew medmezakel he menge etew he kenè en egkevilang tuus te utew mezakel. Diyè dan ebpuun te minsan hendei he g̵inhedian wey tribu wey kepuun wey minsan hengkey he kineg̵iyan. Diyè dan ebpemenhitindeg te etuvangan te pinuuwà te Megbevayà wey ziyà te etuvangan te nati he kerehidu. Midsun-uzan sikandan te meputì ne ebpemengulangkulang dan te zehunen he menge subpang.

Mibpekezag̵ing dan is egkag̵i te, “Delig̵a is Megbevayè tew he mibpinuu ziyà te pinuuwè din te kedhadì wey zelig̵a zaan is nati he kerehidu su nelibri kiw zan te silut!”

Su is nati he kerehidu he ziyà te teliwazà te pinuuwà te edhadì, iyan sikandin ed-elima kandan. Ibpeturedu zin kandan is ebpuunan te menge wahig he ebpekeveg̵ey te untung he wazà pidtemanan. Ne is Megbevayà, id-awè din en is keseengan kayi te menge etew,” ke sikandin.

Umba, diyè dan edhitindeg te etuvangan te pinuuwà te Megbevayà. Andew wey mezukilem ne ziyè dan te simbahan te Megbevayà ne edtumanen dan dutun is egkesuatan din. Ne is Megbevayà he ziyà ebpimpinuu te pinuuwè din te kedhadì, iyan edlingahaan dan. Kenè dan en egkengevitil; ne kenè dan en egkengemezahan; kenè dan en daan egkengetutung te andew wey minsan hengkey he utew meinit.

Mezag̵ing is kegkag̵i zin te, “Kenè niw pa pendèdeeti is tanà wey zag̵at wey menge kayu taman te kenè dey pa egkesevukan te tiyap is menge vuked te menge sulug̵uen te Megbevayè tew.” Ne nezineg ku zutun is kezakel te menge etew he edsevukan te tiyap, ne nenggatus wey kepatan wey heepat he libu sikandan langun. Ne ebpemuun sikandan diyà te sepulù wey zezuwa he kepuun te menge kevuwazan ni Israyil.