Popular Bible Verses from Impezayag 6

Share

Ne mid-ehè ku ne midlepew zutun is kudà he meputìputì is kekelawag din. Si Kemetayen is ngazan te ed-untud dutun ne si Impirnu is ngazan dutun te edtinundug kandin. Ne imbeg̵ey kandan te zezuwa is kebayàbayà dutun te ikeepat he vahin te tivuuk he menusiyà wey zan mehimetayi pinaag̵i te gira wey vitil wey ebpenhalin he zaru wey ebpemekekaid he menge langgam.

Ne zutun neehè ku ziyà te etuvangan ku is kudà he meputì he midlepew ne is ed-untud dutun, duen egewezan din he panà. Ne mibeg̵ayan sikandin te kuruna he tuus te kebpekezaag din. Ne zutun midhipanew haazà su ebpenulitu te menusiyà.

Ne in-awà dutun te nati he kerehidu haazà is ikelima en he tiyap dutun te velesahan. Ne neehè ku zutun te zizalem te vangkù he pemuhatà is menge g̵imukud te menge etew he midhimetayan tenged te kedtuu zan te Lalag te Megbevayà wey tenged daan te kedsengyawa zan dutun te lalag.

Ne mibpekezag̵ing dan is edhangyù, ke sikandan te, “Sikew is mekeg̵eg̵ehem he Nengazen, wag̵as ka wey metinumanen ka! Sengemenu kelug̵ayad is kebpeketag̵ad dey taman te kenè nu pa ebelesan te silut is menge etew ziyà te kelibutan tenged te kedhimetayi zan kenami?” Ne zutun impemeg̵ey ziyà te uman sevaha kandan is meputì he kumbalà. Ne migkeg̵iyan sikandan te Nengazen he medhimeley zan dè pa taman te egkeamin egkevunù is menge zuma zan daan he sulug̵uen te Megbevayà he edhimetayan daan iring kandan.

Ne zutun midlepew is sevaha pa he kudà he utew merig̵à. Is ed-untud dutun, intug̵ut kandin he mehimu zin he mekedtetebek is tivuuk he menusiyà su wey mekebpepetayà is menge etew. Ne zuen imbeg̵ey kandin he melayat he sundang.

Su neuma en is timpu te kedsiluti zan kenami te menusiyà ne wazà ebpekesukul kandan.”

Ne neehè ku he id-awà dutun te nati he kerehidu is ikeenem he tiyap dutun te velesahan. Ne zutun midlinug he utew mezesen ne mibmeitem is andew ne henduen be te manggad he saku he meitem utew. Ne mibmerig̵à is bulan he iring te lengesa. Ne nengeulug dini te tanà is menge vituen he iring te menge mehilew he veg̵as te kayu he igira emun egkesug̵at te keramag ne egkengeulug.

Ne hein in-awà dutun te nati he kerehidu haazà is iketelu he tiyap dutun te velesahan, nezineg ku he migkag̵i is iketelu he linimbag, ke sikandin te, “Genat ke en!” Ne neehè ku zutun he midlepew is kudà he meitem ne zuen timbangan he igkulang te ed-untud dutun. Ne zutun henduen be te zuen migkag̵i ziyà te teliwazà duen te heepat he menge linimbag. Ke sikandin te, “Tetelu zà he salmun te veg̵as he trigu is egkepemasa te inendawen te sengeetew. Ne sengeg̵antang dà wey tetelu he salmun te veg̵as he sibada is egkepemasa te inendawen daan te sengeetew, iyan, kenè nu helina is bali te lana wey vinu.”

Ne zutun nahanew is langit iring te velesahan he edlulunen ne is uman buntud wey is uman pulu ziyà te zag̵at, naawà dutun te nesevukan dan. Ne zutun, is minsan hentei he etew, is menge hadì diyà te kelibutan, is menge velentug̵en he etew, is menge egalen te menge sundaru, is menge sepian wey is menge zekelà is keg̵ehem din, wey minsan daan is menge uripen wey kenà uripen, mid-eles dan diyà te menge vudsi wey ziyà te zizalem te menge zekelà he vatu ziyà te menge vuntud.