Popular Bible Verses from Hibriyuhanen 12

Share

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew. Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.

Ne emun ebmensuwen ki te Megbevayà, kenè ta egkesuatan su merasey is egkeulaula ta. Iyan, emun egkepasad haazà is kebmensuwa zin kenita, ne pinaag̵i kayi nemansu ki en te Megbevayà, ne metazeng en is menge ulaula ta, ne zutun utew melinew is kebpekesavuk ta.

Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

Ne si Jesus, ne utew merasey is impeseg̵azan kandin tenged te kebpesipelahi kandin te menge lalung he etew. Tenged kayi isipa niw layun sikandin su wey kenà maawà is kedhamen niw te kedsarig niw, ne kenè kew edtepulen te ked-ulaula te meupiya.

Umba, kinahanglan he zekelà is kebpeselemati tew kandin su iyan kiw menge sakup te g̵inhedian din he kenà egkehanew te wazè din pidtemanan. Kinahanglan he ed-azap kiw kandin te paag̵i he iyan egkesuatan din. Ne edtehuzan tew sikandin duma is kegkehandek

Umba, ke minsan hengkey is mereg̵en he egkeulaula niw g̵untaan, entusa niw, su pinaag̵i kayi ebpenuruen kew te Megbevayà su menge anak kew zin. Ne wazà anak he kenà ebmensuwen te amey zin.

su is Megbevayè tew, iring te utew meinit he hapuy is kedsilut din.

Is amey ta zini te kelibutan, ne seled te mevavè dà he timpu is kebmensuwa zin kenita sumalà is neisip din he meupiya. Ne, is Amey ta ziyà te langit, iyan ibmensuwa zin kenita su wey ki metevangi ne wey ki zaan mehimu he mebmetazeng he iring kandin.

Su netuenan niw he zutun te kedsukuli niw te mezaat he ulaula, wazà minsan hentei keniyu he midhimetayan tenged te kedtuu zin.