Popular Bible Verses from Aro 14

Share

Pakuti mu Ufumu wa Mulungu, cikulu ni cakulyalini na cakumwa, koma cikulu ni cilungamo, mtendele na cimwemwe, vakutwala Mzimu Mtuŵa. Aliyense otumikila Kristu moteti, otemwesha Mulungu, nipo ozomelezyewa ku ŵanthu.

Keno tikuŵa na moyo ni cikomo ca Asikulu, nipo keno tikufwa ni cikomo ca Asikulu. Tetyo, cukanga tiŵe na moyo keno tifwe, nise ŵawo ŵa Asikulu.

Niye cikomo cake, tiyeni tisakile vingatitangulile ku mtendele na kukoseshana pakati pasu.

Tiyeni tileke kupingulana lomba. Ngako–ngako musimikizye kuti mucitalini kanthu kokumbulwisha ayanu, keno kuŵacimwisha.

Pala Malembo olaŵila kuti, “Leza olaŵila kuti, ‘Panili na moyo, nkhokola zonse zizezifukame nipo lilimi iliyonse izeizomelezye kuti nine Mulungu.’” Tetyo, aliyense mwa sewo akazikonkhololele yeka kwa Mulungu vecicita.

Mupokeleni luweme munthu wamene cicetekelo cake ni cosatangʼa, koma musasushane naye pa malingililo ŵake.

Kansi wewo niwe ŵani, kuti upingule nyanchito wa mwine kuti wayifya? Ni pa menso pa asikulu wake pakumuwona kuti wawamya keno aliye. Nipo awamye, pakuti Asikulu otwesha kumupanga kuti awamye.