Popular Bible Verses from Aro 12

Share

Osakonkhelela unkhalo wa ŵanthu omekela va pano pansi, koma Mulungu ayaluzye moyo wanu wonse pokupani mtima wa lomba. Pamene apo mukaziŵe vakupangwa Mulungu, vamene vili viweme, vangwilyo na vomtemwesha.

Lomba nukusengani mwenekwasu, mwa lusungu ya Mulungu, kuti mutwale miŵili yanu ngani nsembe ya moyo yopatuliwa, ituŵa yopokelewa kwa Mulungu, cili cilambilo canu ca uzimu.

Mukokuŵa wosangalala cikomo ca cilolelo. Muwopilila pakati pa matamano, nipo mukolomba nsita zonse.

Osacimfyiwa ku viyipa, koma cimfyani viyipa pocita viweme.

Muwotemwana ngako ponekwanu, nipo mocitilana mcinzi kupula mwaupangwila wemwine.

Cinthemwa cukokuŵa ca cendi. Muwotinkha ciyipa, kangamilani ku ciweme.

Keno nikotwesheka, nkhalani na mtendele na ŵanthu wonse mwamungatweshele.

Osawezyela kucita ciyipa mwayangu, koma siyilani mpata ukali wa Mulungu, pala Malembo olaŵila kuti, “Leza olaŵila kuti, ‘Kuwezyela ni kwangu, nikaŵalange.’”

Potumikila Asikulu osacita ulesi, nipo muzikhutule mwa uzimu notumikila Asikulu na mtima wanu wonse.

Pakuti mwa cawanzi copewa kwa newo nuwuzya aliyense pakati pa mwewo kuti asalingilile pa yeve yeka kuŵa wa nzelu kupula mwangalingililile, koma akolingilila molicefya, molingana na mpimo wa cicetekelo cakumupa Mulungu.

Osawezyela ciyipa na ciyipa. Yezyani kuti muwocita vinthu ŵanthu wonse vakuwona kuti ni viweme.

Muwokuŵa luweme na ayanu. Osalimvwa, koma mukokuŵa wopangwa kuyanjana na ŵanthu wamba. Osaliyezya ŵa nzelu.

Mosiyanisha, Malembo olaŵila kuti, “Keno mulwani wako wamvwa njala, mupe vakulya alye. Keno ali na njota mupe manzi amwe. Mukucita tetyo, umuyikila malasha ŵa mulilo pa mutu pake.”

Sengani Mulungu kuti ashukishe ŵala okutamanishani. Musengeni kuti aŵashukisha osaŵashamika. Sangalalani nawo ŵala osangalala, lilani nawo ŵala olila.

Mukoyavya pa vopangwa va atuŵa mtima. Muwopokela alwendo motemwa.

Ngani tonse tili na muŵili umo wamene uli na vizo vinyinji, nipo vizo ivi vonse vililini na nchito yolingana. Tetyo, mwa Kristu sewo tili anyinji tupanga muŵili umo, na kuti aliyense ni wolumikizyiwa na ayake.