Popular Bible Verses from Loma 6

Share

He ko e tokonaki ‘a Angahala ko e mate; ka ko e me‘a‘ofa ‘a e ‘Otua ko e mo‘ui ta‘engata, tu‘u ‘ia Kalaisi Sīsū ko hotau ‘Eiki.

He tala‘ehai ‘e fakaehaua kinautolu ‘e Angahala: he ‘oku ‘ikai te mou nofo kia Lao ka kia Kelesi.

Pea ko e me‘a ‘i hotau papitaiso ki he‘ene pekia, pea tā na‘a tau kaungā telio mo ia; koe‘uhi, hangē na‘e fokotu‘u ‘a Kalaisi mei he pekia ‘e he ‘Afio ‘a e Tamai, pehē ke fai‘aki ‘e kitautolu foki ha mo‘ui ‘oku fo‘ou hono anga.

Kae‘uma‘ā ke ‘oua te mou ‘atu homou ngaahi kupu ma‘a Angahala, ko e mahafu ‘o e faikovi; ka mou ‘atu kimoutolu ki he ‘Otua, hangē ko e kakai kuo mo‘ui mei he mate, pea ‘atu homou ngaahi kupu ma‘a e ‘Otua, ko e mahafu ‘o e fai lelei.

He ‘oku tau ‘ilo ‘a e me‘a ni, na‘e kaungā kalusefai mo ia ‘a e motu‘a tangata ‘otautolu, koe‘uhi ke ka‘anga ‘a e sino angahala‘ia; ke ‘oua na‘a tau toe nofo pōpula kia Angahala.

Pehē foki, mou lau kimoutolu ko e koto mate ki he angahala, ka ko e koto mo‘ui ki he ‘Otua, ‘i ho‘omou tu‘u ‘ia Kalaisi Sīsū.

PEA fēfē ai? Te tau pehē koā, Tau nofo‘aki fai angahala, koe‘uhi ke hulu atu ‘a e kelesi? Molekemama‘o! Ko kitaua na‘a ta mate ki he angahala, ‘e fēfē ‘eta kei mo‘ui‘aki ia?

Molekemama‘o! ‘Ikai ‘oku mou ‘ilo, ka mou ka ‘atu kimoutolu ki ha taha ko e kau tamaio‘eiki ke talangofua kiate ia, pea ko e kau tamaio‘eiki leva kimoutolu kiate ia ‘oku mou talangofua ki ai; pe ko e kau tamaio‘eiki ‘a Angahala ‘o iku ki he mate, pe ko e kau tamaio‘eiki ‘a Fai talangofua, ‘o iku ki he mā‘oni‘oni?

Pea ko eni, fakafeta‘i ki he ‘Otua, neongo na‘a mou nofo mu‘a ko e kau tamaio‘eiki ‘a Angahala, ka na‘a mou talangofua fie talangofua ki he fa‘ahinga akonaki na‘e tuku kimoutolu ki ai. Pea ‘i he fakatau‘atāina kimoutolu meia angahala, na‘e fakapōpula kimoutolu kia mā‘oni‘oni.