Popular Bible Verses from Loma 5

Share

Ka ko e ‘Otua ‘oku ne fakahā ‘a e mo‘oni ‘o ‘ene ‘ofa ‘a‘ana kiate kitautolu ‘i he pekia ‘a Kalaisi ma‘atautolu, lolotonga ‘oku tau kei angahala.

Pea tala‘ehai ko e me‘a fakamā ‘a e fakatu‘a ko ia; koe‘uhi kuo taumalingi ‘a e ‘ofa ‘a e ‘Otua ‘i hotau loto ‘i he Laumālie Mā‘oni‘oni, ‘a ia ne foekina kiate kitautolu.

Pea ‘ikai‘ia ko ia pē, ka ke tau vīkiviki foki ‘i he‘etau ngaahi mamahi; he‘etau ‘ilo ‘oku tupu mei he mamahi ‘a e kātaki, pea mei he kātaki, ‘a e lava ‘o e ‘ahi‘ahi; pea mei he lava ‘o e ‘ahi‘ahi ‘a e fakatu‘amelie.

KO ia, tau tuku ke fakatonuhia‘i kitautolu ‘i he tui, ka tau ma‘u melino ai mo e ‘Otua ‘i hotau ‘Eiki ko Sīsū Kalaisi; ‘a ia foki kuo fou mei ai hotau tataki ‘i he tui ki he kelesi ko eni ‘oku tau matu‘u ai: pea ke tau vīkiviki ‘i he ‘amanaki kau ‘i he lāngilangi ‘o e ‘Otua.

‘Ē, kapau ā ne pekia ‘a Kalaisi ma‘a e faka‘otuamate, ‘i he hoko ‘a e kuonga totonu, neongo na‘e kei vaivai kitautolu

Pea kapau ko ia, pea ka kuo tau ma‘u ‘eni ‘a e fakatonuhia ‘i hono ta‘ata‘a, pea huanoa hotau fakamo‘ui ka fai ‘iate ia mei he houhau.

He hangē na‘e fakahalaia‘i ‘a e tokolahi, ko e me‘a ‘i he talangata‘a ‘a e tangata ‘e toko taha: pehē foki, ‘e fakatonuhia‘i ‘a e tokolahi, ko e me‘a ‘i he talangofua ‘a e toko taha.

Pea ‘ikai‘ia ko ia, ka ‘oku vīkiviki foki ‘i he ‘Otua ‘a kitautolu ‘eni, ko e me‘a ‘i hotau ‘Eiki ko Sīsū Kalaisi, ‘a e toko taha ko ia kuo fou mei ai ‘eni ‘etau ma‘u fakalelei.