Popular Bible Verses from Loma 14

Share

he ko e Pule‘anga ‘o e ‘Otua ‘oku ‘ikai ko ha kai mo ha inu, ka ko e mā‘oni‘oni mo e melino mo e fiefia, ‘i he Laumālie Mā‘oni‘oni. He ko ia ‘oku ne fai‘aki ia ‘ene tauhi kia Kalaisi, ‘oku hōifua ai ‘a e ‘Otua, pea ma‘a‘ia ai ‘a e kakai.

He kapau ‘oku tau mo‘ui, ‘oku tau mo‘ui ma‘a e ‘Eiki; pea kapau ‘oku tau pekia, ‘oku tau pekia ma‘a e ‘Eiki: ko ia, pe ‘oku tau mo‘ui, pe ‘oku tau pekia, ko e me‘a ‘a e ‘Eiki pē ‘a kitautolu.

‘Āua, pea kapau ko ia, pea tau nofo ki he ngaahi me‘a ‘oku kau ke fakamelino, mo e ngaahi me‘a ‘oku kau ki he‘etau fefai‘aki hotau langa hake.

Pea kapau ko ia, pea ‘oua na‘a tau toe fefakaanga‘aki; ka ko eni pē e me‘a ke mou fifili ki ai mu‘a, ke ‘oua te mou ‘ai ha tūkia‘anga, pe ha tauhele, ke mo‘ua ai ho tokoua.

He kuo tohi, Kuo folofola ‘a e ‘Eiki, Tangi ‘eku mo‘ui! ko e tui kotoa pē ‘e tū‘ulutui kiate au, pea ko e ‘elelo kotoa pē te ne fai ‘ene vete ki he ‘Otua. ‘Āua, pea tā te tau takitaha fai ha fakamatala ki he ‘Otua ma‘ata.

PEA ko eni, ka ai ha taha ‘oku tui vaivai, mou fakakaukau mai pē; tapu ‘a e anga‘i ‘o ‘ene ngaahi fakakaukau.

Ko hai tū koe ke ke anga‘i ‘a e tamaio‘eiki ‘a ha taha kehe? ‘Oku ‘i he‘ene ‘eiki ‘a‘ana ha‘ane tu‘u pe hinga. ‘Ā, te ne tu‘u pē; he ‘oku mafai ‘e he‘ene ‘Eiki ke poupou ia.