Popular Bible Verses from Loma 12

Share

Pea ke ‘oua na‘a mou tuku ke fakaangatatau kimoutolu ki he maama ko eni; kae tuku ke fai ai pē homou liliu, he fakafo‘ou ‘o homou ‘atamai, ke mou sivi ‘o ‘ilo pe ko e hā ‘a e finangalo ‘o e ‘Otua, ‘a e me‘a ‘oku lelei, ‘a e me‘a te ne hōifua ai, ‘a e me‘a ‘oku haohaoa.

KO ia, ‘oku ou enginaki atu, kāinga, ‘i he funga ‘o e ngaahi fai manava‘ofa ‘a e ‘Otua, ke mou ‘atu ‘a e ngaahi sino ‘omoutolu ko e feilaulau, ke mo‘ui, ke tapu ki he ‘Otua, ke fakahōifua kiate ia–ko e fakaloto ē ‘o ho‘omou fai e lotu.

‘i he fai ‘o ho‘omou ‘amanaki, mou fiefia; ‘i he fai homou fakamamahi, mou kātaki pē; ‘i he hūfia, mou faka‘utumauku hono fai

‘Ē, ‘oua na‘a tuku ke ikuna koe ‘e he kovi, ka ke ikuna ‘a e kovi ‘aki ‘a e lelei.

‘I ho‘omou ‘ofa ki he kāinga lotu, fai ‘o hangē ko ha kāinga mo‘oni; ‘i he faka‘apa‘apa mou tāimu‘a kimoutolu

Ke ta‘eloi ho‘omou ‘ofa. Fehi‘a‘ia ki he kovi; pīkitai ki he lelei.

Mou nofo melino pē mo e kakai kotoa pē, ‘o kapau ‘e ala lava: kehe pē ke ‘ata‘atā meiate kimoutolu.

Si‘oku ‘ofa‘anga, ‘oua te mou sauni ho‘omou ngaahi me‘a, kae tuku ia ki he Houhau: he kuo tohi, ‘Oku ‘a‘aku ‘a e sauni; ko au te u ‘atu hono tuha–ko e folofola ē ‘a e ‘Eiki.

‘i he mamahi‘i ‘o e Ngāue, ‘oua te mou fakapikopiko; ‘i homou laumālie, mou loto māfana; ‘i he fai ki he ‘Eiki, mou tauhi fakatamaio‘eiki ki ai

He ko ‘eku lea ‘eni kiate kimoutolu tāutaha, ‘o u fai ‘i he funga ‘o e kelesi kuo tuku mai, ke ‘oua na‘a hulu atu ‘ene fakakaukau kiate ia ‘i he me‘a ‘oku totonu: ka ke hu‘u hono loto ki he fakakaukau ‘oku ngali poto; ko hono fuofua ko e mafai fakalotu kuo vahe ‘e he ‘Otua ma‘a e tangata takitaha.

Neongo pe ko hai, ‘oua te mou totongi ‘ene kovi ‘aki ‘a e kovi. Mou tomu‘a fakakaukau‘i ho‘omou ngaahi me‘a ke hā lelei ki he kakai fuli pē.

Ke fakatangata tatau ho‘omou fetokanga‘aki. ‘Oua na‘a hu‘u ho‘omou tokanga ki he ngaahi me‘a mā‘olunga, kae tuku kimoutolu ke ‘auhia mo mā‘ulalo. ‘Oua te mou hoko ko e kau poto fakaekimoutolu.

Ka ko koe, kapau ‘oku fiekaia ho fili ke ke fafanga ia; kapau ‘oku ne fie inua, ‘ange hano inu: he ko ho‘o fai pehē te ke fokotu‘u ai ‘a e ngaahi malala‘i afi ki hono ‘ulu.

Tāpuaki‘i ‘a kinautolu ‘oku fakatanga‘i kimoutolu; ‘io, mou tāpuaki‘i pē, ‘o ‘oua ‘e tutuku‘i. Fiefia mo kinautolu ‘oku fiefia; tangi mo kinautolu ‘oku tangi.

‘i he fa‘a masiva ‘a e kau lotu, mou kau ai: nofo ki he fakaafe ‘āunofo.

He hangē tofu pē ‘oku tau ma‘u ha kupu lahi ‘i ha fo‘i sino, ka ‘oku ‘ikai ke faiva taha ‘a e kupu kotoa pē: pehē, ko kitautolu tokolahi, ko e fo‘i sino ‘ia Kalaisi, ka ‘i he lau fakafo‘ime‘a, ko e ngaahi kupu ‘oku fekau‘aki.