Popular Bible Verses from KO E ME‘A FAKAHĀ 7

Share

Hili ia na‘a ku vakai, pea tā ko e fu‘u kakai lahi, ‘a ia ‘e ‘ikai lava ‘e ha taha hono lau, ko ha kakai mei he pule‘anga kotoa pē, mo e ngaahi matakali, mo e ngaahi fa‘ahinga, mo e ngaahi lea, na‘a nau tutu‘u ‘i he ‘ao ‘o e taloni pea ‘i he ‘ao ‘o e Lami, kuo nau kofu ‘aki ‘a e ngaahi kofu hinehina tōtōlofa, pea ‘oku nau to‘o ‘a e ngaahi va‘a paame

pea na‘a nau kalanga le‘o lahi, ‘o pehē, Ko hotau fakamo‘ui ‘Oku mei hotau ‘Otua, ‘A ia ‘oku ‘afio ‘i he taloni, Pea mei he Lami.

He ko e Lami ‘oku ‘i he loto taloni, te ne tauhi kinautolu ‘o hangē ha fanga sipi, pea te ne tataki kinautolu ki he ngaahi matavai ‘o e Vaiola: pea ‘e holoholo ‘e he ‘Otua ‘a e lo‘imata kotoa pē mei honau mata.

Ko hono ‘uhinga ia ‘oku nau ‘i he ‘ao ‘o e taloni ‘o e ‘Otua, pea ‘oku nau tauhi kiate ia ‘i hono temipale ‘i he ‘aho mo e pō: pea ko Ia ‘oku ne ‘afio ‘i he taloni te ne folahi ‘a e Tāpanekale ‘o hono Sikaina ‘iate kinautolu. ‘E ‘ikai te nau toe fiekaia, ‘uma‘ā ha‘anau toe fieinua, ‘uma‘ā ha momo‘i lave kiate kinautolu ‘a e la‘ā, pe ko e ngaahi me‘a fakavelehia.

‘o ne pehē, ‘Oua te mou momo‘i maumau‘i ‘a e fonua, pe ko e tahi, pe ko e ngaahi ‘akau, kae‘oua ke ‘osi ‘emau sila‘i ‘a e kau tamaio‘eiki ‘a hotau ‘Otua ‘i honau la‘e. Pea u fanongo ki he lau ‘o e kakai na‘e sila‘i, ko e to ko taha kilu mā to ko fā mano mā to ko fā afe na‘e sila‘i mei he matakali fuli pē ‘o ha‘a ‘Isileli