Popular Bible Verses from KO E ME‘A FAKAHĀ 14

Share

Pea ne u ongo‘i ha le‘o mei langi na‘e pehē mai, Tohi, Hili ‘eni ‘oku monū‘ia ‘a e pekia ‘oku pekia ‘i he ‘Eiki. Pea ‘oku folofola ‘a e Laumālie, ‘Io, koe‘uhi te nau mālōlō mei he‘enau fakaongosia, he ko ‘enau ngaahi ngāue te nau muimui atu mo kinautolu.

‘Oku ‘i he me‘a ni ‘a e kātaki ‘a e kakai lotu, ‘a kinautolu ‘oku tauhi ‘a e ngaahi tu‘utu‘uni ‘a e ‘Otua, mo e tui kia Sīsū.

‘o ne lea le‘o lahi ‘o pehē, Mou manavahē ki he ‘Otua, pea tuku kolōlia kiate ia; he kuo hokosia ‘a e taimi ‘o ‘ene fakamaau: pea mou hū kiate ia na‘a ne ngaohi ‘a e langi mo e fonua mo e tahi mo e ngaahi matavai ‘o e ngaahi vaitafe.

Pea muimui kiate kinaua ha ‘āngelo ‘e taha, ko hono tolu ia, ‘o ne lea le‘o lahi ‘o pehē, ‘Ilonga ‘a ia ‘oku lotu ki he manu fekai mo hono ‘īmisi, pea ‘oku ne ma‘u ‘a e faka‘ilonga ‘i hono la‘e, pe ‘i hono nima, te ne inu mo ia foki ‘i he uaine ko e tautea mei he ‘Otua, ‘a ia ‘oku fakatau ta‘ehu‘i ki he ipu ‘o ‘ene houhau; pea ‘e fakamamahi‘i ‘aki ‘a e afi mo e sūlifa ‘i he ‘ao ‘o e kau ‘āngelo, pea ‘i he ‘ao ‘o e Lami. Pea ‘e ‘alu hake ‘a e kohu ‘o ‘enau mamahi ‘o lauikuonga pea ta‘engata: pea ‘oku ‘ikai ha‘anau mālōlō ‘i he ‘aho mo e pō, ‘a kinautolu ‘oku lotu ki he manu fekai mo hono ‘īmisi, mo ia fua pē ‘oku ne ma‘u ‘a e faka‘ilonga ko hono hingoa.

PEA u vakai, pea tā na‘e tu‘u ‘a e Lami ‘i he funga mo‘unga ko Saione, pea na‘e ‘iate ia ha to ko taha kilu mā to ko fā mano mā to ko fā afe, ‘a ia kuo tohi ki honau la‘e ‘a hono huafa, mo e huafa ‘o ‘ene tamai.

Pea u vakai ha ‘āngelo ‘e taha, ‘oku ne puna ‘i he loto langi, pea ‘oku ne ‘alu mo ia ‘a e Kōsipeli ta‘engata ke malanga‘aki kiate kinautolu ‘oku nofo ‘i he fonua, pea ki he pule‘anga kotoa pē, mo e matakali, mo e lea, mo e fa‘ahinga

Pea na‘e muimui mai ha ‘āngelo ‘e taha, ko hono ua ia, ‘o ne pehē, Kuo tōkilalo, kuo tōkilalo ‘a fu‘u Pāpilone, ‘a ia na‘a ne fakainu ‘a e ngaahi kakai ‘aki ‘a e uaine ko e tautea ‘o ‘ene fe‘auaki.