Popular Bible Verses from Ma‘aké 9

Share

Pea pehē ‘e Sīsū ki ai, “‘O kapau ‘e lava,” koā? ‘oku malava ‘a e me‘a kotoa pē ki ha taha ‘oku tui.

Kalanga leva ‘a e tamai ‘a e tamasi‘i, ‘o ne pehē, ‘oku ou tui pē: tokoni ‘eku ta‘etui.

Pea ‘i he hū ‘a Sīsū ki fale, na‘e fehu‘i kiate ia ‘e he‘ene kau ako fakaekinautolu, Ko e hā na‘e ‘ikai te mau lava ai ‘e kimautolu ke kapusi ia? Pea ne pehē kiate kinautolu, Ko e fa‘ahinga ko eni ‘oku ‘ikai lava ke mahu‘i, ka ‘i he lotu pē.

Ko e me‘a ‘aonga ‘a e māsima: ka ‘oka mole mei he māsima hono kona, te mou fakamahimahi ia ‘aki ‘a e hā? ‘Ē, mou takitaha tauhi ‘i hono loto ha māsima; pea mou fe‘ofo‘ofani ‘i ho‘omou feangai.

Ko ia ‘oku ne tali ha tamasi‘i pehē ‘e taha ‘i hoku hingoa, ‘oku ne tali au; pea ko ia ‘oku ne tali au, ‘oku ‘ikai ko au pē ‘oku ne tali, ka ko ia ne ne fekau mai au.

Pea ko ia te ne ‘ange kiate kimoutolu ha hu‘a vai koe‘uhi pē ko e hingoa, ko e pehē ‘oku mou kau kia Kalaisi, Ko au ē, ‘oku ou tala atu, ‘e ‘ikai ‘aupito mole ‘ene totongi ‘a‘ana.

Ka ‘oka ai ha tangata te ne fakatūkia ha taha ‘i si‘i tamaiki ni ‘oku tui–‘ē, ka ne tau ha fu‘u maka fale ‘i he kia ‘o e tangata ko ia, ‘o lī ia ki tahi, ne ngutuhua ange kiate ia.

Pea kapau ‘e fakatūkia koe ‘e ho mata, li‘aki ia: ‘oku ngutuhua ange ha‘o a‘u mata taha ki he pule‘anga ‘o e ‘Otua, ‘i hao lī mataua ki Kihena.