Popular Bible Verses from Ma‘aké 6

Share

Pea pehē ‘e ia kiate kinautolu, Mou omi ki ha potu lala fakaekimoutolu pē, ‘o mālōlō si‘i: he na‘e ‘i ai ma‘u pē ha kakai na‘e ha‘u mo ha kakai na‘e ‘alu, ko e tokolahi; pea na‘a mo e kai na‘e ‘ikai ha taimi ki ai.

Ka ka lea ‘e Sīsū kiate kinautolu, ‘o pehē, ‘oku ‘ikai masiva faka‘apa‘apa ‘e ha palōfita, ka ‘i hono fonua totonu, mo hono kāinga ‘o‘ona, mo hono fāmili.

Pea ‘i he‘ene hifo ki ‘uta, na‘a ne ‘ilo ha fu‘u kakai lahi; pea na‘e langa hono fatu ‘i he ‘ofa kiate kinautolu, koe‘uhi ko ‘enau hangē ha fanga sipi ta‘ehanau tauhi: pea na‘a ne hanga ‘o ako kiate kinautolu ha ngaahi me‘a lahi.

Pea na‘e ‘ikai te ne lava ke fai ai ha ngāue fakaofo ‘e taha; ngata pē ‘i he‘ene hilifaki hono nima ki ha ni‘ihi na‘e mahaki, ‘o fakamo‘ui. Pea ko e me‘a fakaofo kiate ia ‘a ‘enau ta‘etui. Pea ne foli fakatakamilo ‘a e ngaahi vilisi, ‘o fai ‘ene ako.

Pea ne to‘o ‘a e fo‘i mā ‘e nima pea mo e ongo ika, ‘o ne tāngaki hake ki he langi, ‘o ne fai ha tāpuaki; mo ne pakipaki ‘a e ngaahi fo‘i mā, ‘o ne toutou ‘ange ki he‘ene kau ako ke tufaki ki he kakai; na‘a ne vahevahe foki ‘a e ongo ika, ‘o nau totofu ai. Pea nau kai kotoa pē, ‘o mākona. Pea nau tānaki ‘a e ngaahi mapakipaki‘i mā, ‘o fe‘unga mo e kato fakahunga ‘e hongofulu mā ua, pea mo e ngaahi konga ika foki.