Popular Bible Verses from Ma‘aké 4

Share

Pea ne ‘ā, ‘o ne lolomi ‘a e matangi, ‘o ne pehē ki he tahi, Longo ā, ‘oua ‘e momo‘i ngū, pea tālolo ‘a e matangi, pea hoko ha tofu lahi. Pea ne pehē kiate kinautolu, Ko e hā ‘oku pehē ai fau ai ho‘omou lotosi‘i? Ko e hā ‘oku ‘ikai ai ha‘amou tui?

Pea nau manavahē–ko e manavahē ka ko ha manavahē–pea nau fealēlea‘aki, ‘o pehē, Ko hai tū ‘eni? he na‘a mo e matangi mo e tahi ‘oku fakaongo kiate ia.

Ka na‘e ‘i he taumuli ‘a Sīsū, ‘o ne mohe ki he me‘a fakamolū: pea fafangu ia, ‘o nau pehē ki ai, Tangata‘eiki, ‘oku ‘ikai te ke toka‘i ‘etau tu‘utāmaki?

Na‘a ne pehē foki kiate kinautolu, Tokanga pe ko e hā ‘a e me‘a ‘oku mou fanongoa. Ko e fua ‘oku mou fua ‘aki, ko ia pē ‘e fua ‘aki kiate kimoutolu, pea ‘e fakalahi atu.

Pea lea atu ia ‘o pehē, Ko e anga ‘eni ‘o e Pule‘anga ‘o e ‘Otua: ‘Oku hangē ko e laku tenga ‘e ha tangata ki he kelekele; ‘o ne mohe pē mo ‘ā, ‘i he pō mo e ‘aho, pea tupu pē ‘a e tenga ‘o ‘alu hake, kae molekemama‘o ha‘ane ‘ilo pe ‘oku fakafēfē.

Ka ai ha taha ‘oku ma‘u telinga ke ongo ‘aki, ke ne ongo‘i.