Popular Bible Verses from Ma‘aké 11

Share

Ko ia ‘oku ou tala atu, Ko e ngaahi me‘a kotoa pē ‘oku mou hūfia mo kolea, tui pē na‘a mou ma‘u ia, pea ‘e hoko kiate kimoutolu.

Ko au ē, ‘oku ou tala atu, Ka ai ha taha te ne pehē ki he mo‘unga ni, Fei mo mahiki koe, ‘o patū ki tahi; ‘o ‘ikai te ne tāla‘a ‘i hono loto, ka ne tui pē ‘oku hoko ‘ene lea; pea ‘e hoko ia.

Pea ka mou ka tu‘u leva ke lotu, pea ka ai ha me‘a ‘oku mou kovi‘ia ai ki ha taha, fakamolemole mu‘a ia: koe‘uhi kae fakamolemole ho‘omou ngaahi angahala ‘e ho‘omou Tamai ‘a ia ‘oku ‘i Hēvani.

Pea tali ‘e Sīsū ‘o ne pehē kiate kinautolu, Mou tui pē ki he ‘Otua.

Pea ne kamata ako kiate kinautolu, ‘o ne pehē, ‘ikai kuo tohi, Ko hoku fale ‘e ui ko e falelotu mo‘o e kakai kotoa pē? Ka ko kimoutolu kuo mou ngaohi ia ko e ‘ananga ‘o ha kaiha‘akau.

Pea ko kinautolu na‘e ‘alu mu‘omu‘a, mo kinautolu na‘e muimui mai, na‘a nau fekālanga‘i ‘o pehē, Hōsana! Hoto ‘ofa kiate ia ‘oku hoko mai ‘i he huafa ‘o e ‘Eiki!

Hoto ‘ofa ki he pule‘anga ‘o ‘etau kui ko Tēvita, ‘A ia ‘oku hoko mai ni! Hōsana ki Langi Taupotu!