Popular Bible Verses from KAU FAKAMAAU 16

Share

Pea ne pehē ange, Samisoni ē, ko e kau Filisitia ena ‘oku ‘oho mai kiate koe! Pea ne ‘ā mei he‘ene mohe, ‘o ne pehē, Te u ‘alu atu pē ‘o hangē ko ‘eku fa‘a fai, ‘o tupe‘i. Ka na‘e ‘ikai te ne ‘ilo kuo mahu‘i ‘a e ‘Eiki meiate ia.

Pea tautapa ‘a Samisoni kia Sihova, ‘o ne pehē: ‘Ātonai Sihova ē, manatu‘i au; ‘io, fakamālohi‘i au, ‘Elohimi ē, ‘a e tātu‘otaha ko eni: kehe pē ke u sauni ki he kau Filisitia ha taha ‘o hoku ongo poko‘i mata ‘o‘oku ni!

ko ia na‘a ne tala ki he fefine hono loto kotoa, ‘o ne pehē ki ai, Kuo te‘eki ke ‘ai ha tele ki hoku ‘ulu, he kuo u nofo ko e nāsili ki he ‘Otua talu hoku fanau‘i. Kapau ‘e fafai au, pea ‘e toki mahu‘i meiate au hoku ivi, pea te u vaivai ‘o tatau mo ha tangata kehe.

Pea ‘i he‘ene fakafiu kiate ia, ‘i he‘ene lau ‘i he ‘aho kotoa pē, mo fakakina kiate ia, na‘e faifai pea ‘ikai te ne meimei kātaki ke mo‘ui

Pea pehē ‘e Samisoni, Ke mole ‘eku mo‘ui fakataha mo e kau Filisitia! Pea ne tulolo ‘aki hono ivi kotoa, pea na‘e holo ‘a e fale ki he hou‘eiki mo e kakai kotoa na‘e ‘i ai. Ko ia ko e kakai na‘a ne tāmate‘i ‘i he‘ene pekia na‘e tokolahi ‘i he kakai na‘a ne tāmate‘i ‘i he‘ene mo‘ui.