Popular Bible Verses from Sēmisí 1

Share

Si‘oku kāinga, mou lau ko e koto fakafiefia ‘oka mou ka tō ki he ngaahi ‘ahi‘ahi kehekehe; ko ho‘omou ‘ilo, ko e sivi ‘o ho‘omou tui ‘oku ne fakatupu ‘a e kātaki.

Ka ‘o kapau ko e poto ‘oku masiva ai ha taha, ke ne kole mei he ‘Otua, ‘a ia ‘oku ne foaki ‘ata‘atā pē ki he kakai kotoa pē, ‘o ‘ikai ‘atu mo e lau; pea ‘e foaki ia ki ai.

Seuke, ‘oku mou lāu‘ilo pē, si‘oku kāinga ‘ofeina: ka ke vave ‘a e tangata fua pē he fanongo, kae fakatotoka ki he lea, pea fakatotoka ki he ‘ita.

Pea ko eni, tuku ke fai ‘e kātaki ‘ene ngāue ke haohaoa, koe‘uhi ke mou haohaoa, mo tu‘u kakato, ‘o ta‘emasiva ‘i ha me‘a.

Ka mou hoko ko e kau fai ki he folofola, ‘o ‘ikai ko e kau fanongo pē, ‘o mou kākaa‘i kimoutolu.

Monu‘ia ā ka ko e tangata ‘oku ne kātaki ha ‘ahi‘ahi: he ‘oka ‘osi hono sivi, te ne ma‘u ai ‘a e kalauni ‘o e mo‘ui, ‘a ia kuo ne tala‘ofa kiate kinautolu ‘oku ‘ofa kiate ia.

‘Ilonga ha foaki lelei, pea ‘ilonga ha me‘a‘ofa haohaoa, ko e ‘alu hifo pē ia mei he Tamai ‘a e ngaahi maama, ‘a ia ‘oku ‘ikai ‘i He‘ene ‘Afio ha feto‘oaki, pe ko ha nenefu tupu ‘i ha‘ane liliu.

He ka ai ha taha, ‘a ia ko ha fanongo pē ki he folofola, ka ko ha ta‘efai ki ai, ‘oku tatau ia mo ha siana ‘oku ne fakasio ki he fōtunga na‘e tupu mo ia ‘i ha sio‘ata: he kuo ne fakasio leva kiate ia, pea ne ‘alu, pea ngalo leva pe ko e hā hono anga.

Ko eni ia ‘a e tō‘onga lotu ‘oku ma‘a mo ta‘ehano ‘uli ‘i he ‘afio ‘a e ‘Otua ko ‘etau Tamai, ‘a ‘ete ‘a‘ahi ki he fa‘ahinga mātu‘a mate mo e kau uitou ‘i he‘enau mamahi, ‘a ‘ete tauhi kita mei māmani ke ta‘ehato ‘ila.

Ke ‘oua na‘a lau ‘e ha toko taha ‘Oka ‘ahi‘ahi‘i, ‘Oku mei he ‘Otua hoku ‘ahi‘ahi‘i: he ko e ‘Otua ‘oku ‘ikai ma‘ahi‘ahi‘i ‘e he kovi, pea ‘oku ‘ikai ke ‘ahi‘ahi‘i ha taha ‘e He‘ene ‘Afio. Ka ‘oku ‘ahi‘ahi‘i ‘a e tangata takitaha he tohoaki ia ‘e he‘ene holi ‘a‘ana, mo taki ‘aki ha mounu.

Pea ko eni, ke vīkiviki si‘i tokoua lotu ‘oku mā‘ulalo ‘oka hākeaki‘i ia