Popular Bible Verses from KO ‘AISEA 6

Share

Pea u ongo‘i ‘a e le‘o ‘o ‘Ātonai ‘oku pehē mai, Ko hai te u fekau, ‘io, ko hai ‘e ‘alu ma‘atautolu?

Pea na‘e fetāliaki ‘a ē mo ē ‘o pehē, ‘A e Tāpuhā! ‘a e Tāpuhā! ‘a e Tāpuhā! ‘a Sihova Sāpaoti! Ko hono lāngilangi ē ‘a e fonu ‘a māmani kātoa.

Pea u pehē, ‘Oiauē kita kuo te ‘auha! He ko e tangata loungutu ta‘ema‘a kita, Pea ko e kakai loungutu ta‘ema‘a ‘oku te nofo ai: He ko e Tu‘i ia kuo māta‘i hoku mata ni, ‘a Sihova Sāpaoti!

‘I HE ta‘u na‘e pekia ai ‘a Kingi ‘Ūsaia, ne u māta‘i ‘a ‘Ātonai, ‘oku ne ‘afio ‘i ha taloni ‘oku fotu mo mahiki hake, pea ko hono kofu fakapatohotoho na‘e faliki ‘aki ‘a e Temipale.

Pea ne fakapā ki hoku ngutu, ‘o ne pehē; Vakai, kuo pā eni ki ho loungutu; pea kuo ‘ave ho‘o kovi, pea fakalelei ho‘o hia.

Ko ha‘a Selāfimi ē ‘oku taka ‘olunga ‘i ai: ‘oku taki ono honau kapakau; ko e ua na‘a nau fufū ‘aki honau mata, mo e ua na‘a nau fufū ‘aki honau va‘e, pea ko e ua na‘e fai‘aki ‘enau fepunakaki.

Pea na‘e puna mai kiate au ha taha mei he kau Selāfimi, ‘oku ‘i hono nima ha malala‘i afi kuo ne to‘o ‘aki ‘a e hikofi mei he ‘ōlita.

Pea u tali, Ko au eni; fekau au. Pea ne folofola mai, ‘Alu, ‘o lea ki he kakai na, ‘o pehē, Mou fanongo ai ā, kae ‘ikai ‘atā; pea mou mamata ai ā, kae ‘ikai ‘ilo.

Ngaohi ‘a e loto ‘o e kakai ni ke nge‘enge‘e, pea ngaohi honau telinga ke tutuli, pea ko honau mata ke ke pulusi; na‘a ‘iloange te nau sio ‘aki honau mata, mo ongo‘aki honau telinga, mo ‘ilo ‘aki honau loto, ‘o tafoki, ‘o ai ha faito‘o ‘e fai ki ai.