Popular Bible Verses from KO ‘AISEA 51

Share

Ko au, ko au ai pē ko homou fakalelu: ko hai tū koe ke ke manavahē ki ha tangata me‘a vaivai, ‘a ia te ne mate, ‘io, ki ha hako‘i tangata, ‘a ia ‘oku tuku ko e musie pē?

Pea ‘oku ou ‘ai ‘eku lea ki ho ngutu, pea kuo u ‘ufi‘ufi koe ‘aki ‘a e malu ‘o hoku nima, koe‘uhi ke hunuki, ‘a e ngaahi langi, pea ke pea ke tanupou ‘a māmani, pea ke lea ki Saione, Ko hoku kakai koe.

Fanongo kiate au ‘a kimoutolu ‘oku ‘ilo ‘a e fakatonuhia, ‘a e kakai ‘oku ma‘u ‘eku lao ‘i honau loto; ‘oua te mou manavahē ki he manuki ‘a e tangata me‘a vaivai, pea ‘oua te mou laea ‘i he‘enau fa‘a tūvangia kimoutolu.

He kuo fakamānava hake ‘e Sihova ‘a Saione: kuo ne fakamānava hake hono ngaahi potu maumau, pea kuo ne liliu hono ngaahi potu maha hu‘a ke hangē ko ‘Īteni, mo hono ngaahi potu mamate ke hangē ko e ngoue tapu ‘a Sihova; ‘e ‘ilo ‘i ai ‘a e fiefia mo e nēkeneka, ‘a e fakafeta‘i mo e hiva mālie.

Pea ko e kau veteange ‘a Sihova Te nau foki, ‘o a‘u ki Saione mo e mavava, Pea ko e fiefia ta‘engata ko e pale ‘i honau ‘ulu: Te nau a‘usia ‘a e fiefia mo e nēkeneka, Ko e mamahi mo e māpuhoi ‘e moulu atu.