Popular Bible Verses from KO ‘AISEA 50

Share

Ko ‘Ātonai Sihova kuo ne ‘omi kiate ‘au ‘a e ‘elelo ‘o e tama ako, ke u ‘ilo ‘a e ngaahi lea ke tokoni ‘aki ‘a e ongosia; ‘oku ne fafangu au ‘i he pongipongi kotoa pē, ‘oku ne ue‘i hoku telinga ke fanongo hangē ha tama ako.

Ka ko ‘Ātonai Sihova te ne tokoni‘i au; ‘a ē ā na‘e ‘ikai te u tuku ke lava‘i au ‘e hoku fakamaa‘i; ko ia ai na‘a ku ngaohi hoku mata ke hangē ha makahunu, ‘o u ‘ilo ‘e ‘ikai lava hoku fakamā.

Ko hai ‘iate kimoutolu ‘oku ‘apasia kia Sihova, pea ‘oku fakaongo ki he lea ‘a ‘ene sevāniti; ka ‘oku ne ha‘ele ‘i he fu‘u po‘uli, pea ‘oku ‘ikai ha‘ane momo‘i maama? Ke falala ia ki he huafa ‘o Sihova, mo faaki ki hono ‘Otua.