Popular Bible Verses from KO ‘AISEA 45

Share

pea te u ‘atu kiate koe ‘a e ngaahi koloa kuo tuku ‘i he po‘uli, mo e ngaahi me‘a mahu‘inga kuo tuku fufū, koe‘uhi ke ke ‘ilo ko au Sihova na‘e ui hingoa koe, ko e ‘Otua ‘o ‘Isileli.

Te u ‘alu mu‘omu‘a kiate koe, ‘e au, ‘o u fakatokalelei ‘a e ngaahi tanu; te u laiki matapā palasa, pea ko e me‘a fakama‘u ‘aione te u tu‘usi

Ko Sihova au, pea ‘oku ‘ikai mo ha taha; ka tuku au ‘oku ‘ikai ha ‘Otua: na‘a ku ‘ai mahafu koe; ‘osi, na‘e ‘ikai te ke ‘ilo au. Koe‘uhi ke nau ‘ilo mei he hopo‘anga la‘ā, pea mei hono tō‘anga, ‘oku ‘ikai ha me‘a ‘o ‘atā mo au: ko Sihova au, pea ‘oku ‘ikai mo ha taha.

‘A au ‘oku ou fa‘u ‘a e maama, mo fakatupu ‘a e po‘uli; ‘oku ou feia ‘a e melino, mo fakatupu ‘a e kovi: ko Sihova au, pea ‘oku ou fai ‘a e ngaahi me‘a ko ia kotoa.

Hanga mai kiate au, ka mou mo‘ui, ‘a e ngaahi ngata‘anga ‘o māmani: he ko e ‘Otua au, pea ‘oku ‘ikai mo ha taha.

KO E folofola eni ‘a Sihova ki he‘ene Pani, kia Kōlesi, ‘a e toko taha kuo u puke hono to‘omata‘u, ke ‘ohifo ‘a e ngaahi pule‘anga ‘i hono ‘ao, pea ‘oku ou vete ‘a e no‘o ‘o e ngaahi tu‘i; ke fakaava ‘a e ngaahi lau matapā ‘i hono ‘ao, mo e ngaahi matanikolo, ‘o ‘oua ‘e kei songo.

Kuo u fuakava ‘iate au –kuo ‘alu atu ‘a e lea mei hoku ngutu mā‘oni‘oni, pea ‘e ‘ikai foki–‘e peluki kiate au ‘a e tui kotoa pē, ‘e fuakava kiate au ‘a e ‘elelo kotoa.

Koe‘uhi ko ‘eku sevāniti ko Sēkope, mo ‘Isileli ko ‘eku pele, ko ia kuo u ui ai koe, ‘o lau ho hingoa: na‘a ku fakahingoa fo‘ou koe; ‘osi, na‘e ‘ikai te ke ‘ilo au.