Popular Bible Verses from KO ‘AISEA 19

Share

‘E tāpuaki‘i kinautolu ‘e Sihova Sāpaoti, ‘o pehē, Ke ke monū‘ia koe, ‘a ‘Isipite ko hoku kakai, mo ‘Āsilia ko e ngāue ‘a hoku nima, mo ‘Isileli ko hoku tofi‘a.

Pea ‘e hoko ia ko e faka‘ilonga mo e fakamo‘oni ma‘a Sihova Sāpaoti ‘i he fonua ‘o ‘Isipite: he te nau tautapa kia Sihova telia honau kau fakamamahi, pea te ne tuku atu ki ai ha taha fai fakamo‘ui mo ha mafi, ‘a ia te ne fakahaofi kinautolu.

KO E kavenga ‘a ‘Isipite mei he Ta‘ehāmai. Vakai, ‘oku heka ‘a Sihova ki ha ‘ao ifilele, ‘o ne hā‘ele ki ‘Isipite: pea ‘oku tete ‘a e ngaahi ‘aitoli ‘o ‘Isipite ‘i he‘ene fotu mai, pea ‘oku vai ‘a e loto‘i loto ‘o e kau ‘Isipite.

‘I he taimi ko ia ‘e tu‘u ha ‘ōlita ‘o Sihova ‘i he loto fonua ‘o ‘Isipite, pea mo e pou tapu ‘o Sihova ofi ki hono kau‘ā.