Popular Bible Verses from KO ‘AISEA 1

Share

Ha‘u mu‘a ke ta sivi–ko e folofola ‘a Sihova ia: neongo ‘e hā kulokula ho‘omou hia, ‘e hoko ‘o hinehina hangē ko e sinou; neongo ‘e hā kula maama te nau tatau mo e vavae ‘au‘au.

Kapau te mou lotolelei mo talangofua, te mou kai ‘a e lelei ‘o e fonua

tuku ‘a e faikovi: ako ke fai lelei; mamahi‘i ‘a e fai fakamaau, ta‘ofi ki he totonu ‘a ia ‘oku fai fakamālohi, fakamaau ‘a e tamai mate, taukapo‘i ‘a si‘i fefine uitou.

ka ‘o kapau te mou fakapāpākū mo angatu‘u, ‘e keina kimoutolu ‘e he heletā: he kuo folofola pehē ‘a e fofonga ‘o Sihova.

Fufulu kimoutolu, ‘ai ke mou ma‘a; ‘ave ‘a e kovi ‘o homou fai anga ke ‘oua na‘a vakai ‘e hoku mata

Pea ka mou ka fola nima hake, te u hanga kehe meiate kimoutolu; ‘io, ka mou ka fakalahi lotu, ‘e ‘ikai te u fakaongo: ko homou nima na ‘oku toto‘ia.

‘Oua ‘e toe ‘omi nge‘esi me‘a‘ofa: ko e tutu ‘inisēnisi ko e me‘a fakalielia ia kiate au; ‘a e fakamāhina fo‘ou mo e faka-Sāpate, ‘a e fanongonongo kātoanga–‘oku ‘ikai te u makātaki ‘a e ō ‘a e kovi mo e fu‘u fakataha.

‘Oku ‘ilo ‘e he pulu ‘a e taha ‘oku ne ma‘u ia, mo e ‘asi ‘a e ‘ai‘angakai ‘a e fa‘ahinga ‘oku pule kiate ia: ko ‘Isileli pē ‘oku ‘ikai ke ‘ilo, ko hoku kakai pē ‘oku ‘ikai ke fakakaukau.

Ko ho‘omou ngaahi fakamāhina fo‘ou, mo ho‘omou ngaahi kātoanga tu‘utu‘uni, ‘oku fehi‘a ki ai ‘a hoku laumālie; kuo nau hoko ko e kavenga kiate au: kuo u fiu hono fafa.