Popular Bible Verses from Hepelū 4

Share

He ko e folofola ‘a e ‘Otua, ko e koto mo‘ui mo e koto mālohi, pea māsila ange ‘i ha heletā fakatoumata fua pē; ‘o ne ‘asi atu ‘o maioio‘i ‘a e loto mo e laumālie, ‘io, hono ngaahi hokonga mo e uho; pea ‘oku ne vavanga‘i ‘a e ngaahi holi mo e fakakaukau ‘o e loto.

Ko ia, ke tau ‘unu‘unu atu mālohi ai ki he taloni ‘o kelesi, ke tau ma‘u meesi, mo tau ta‘imālie ha kelesi ke tokoni mai.

He tala‘ehai ‘oku tau ma‘u ha Taula‘eiki Lahi ‘oku ta‘emalavea ‘i hotau ngaahi vaivai‘anga, kaekehe ‘oku tau ma‘u ha toko taha kuo ‘osi ‘ahi‘ahi ‘i he me‘a kotoa pē, hangē ko kitautolu, kae ‘ikai ha‘ane angahala.

Pea ‘oku ‘ikai ha me‘a kuo ngaohi ‘e ta‘e‘ata pē ki he ‘Ene ‘Afio: ka ‘oku telefua mo tokaima‘ananga ‘a e me‘a kotoa pē ki he fofonga ‘o ia ‘oku tau fakamaau ki ai.

Ko ia, ‘i he‘etau ma‘u leva ha Taula‘eiki Lahi ‘oku fungani, ‘a ia kuo ne ‘asi atu ‘i he ngaahi langi, ‘io, ‘a Sīsū ko e ‘Alo ‘o e ‘Otua, ko ia, ke tau puke ma‘u ‘a ‘etau lotu.

Ko ia, ke tau tōtōivi ke hū ki he mālōlō‘anga ko ia, na‘a ai ha taha ‘e tō ki he anga talangata‘a ko ia.