Popular Bible Verses from Kalētiá 2

Share

Kuo tutuki au ki he Kolosi mo Kalaisi: pea ko ‘eku mo‘ui ‘oku fai, ‘oku ‘ikai kei ko au, ka ko e mo‘ui ‘oku fai ‘e Kalaisi ‘iate au: ‘io, ko e mo‘ui ‘oku ou fai ‘eni ‘i he kakano ko e mo‘ui ‘i he tui, ko e tui ki he ‘Alo ‘o e ‘Otua, ‘a ia na‘a ne ‘ofeina au, mo ne foaki ia ‘e ia ke pekia koe‘uhi ko au.

‘Oku ‘ikai te te fakata‘e‘aonga ‘e kita ‘a e kelesi ‘a e ‘Otua; he kapau ‘oku fou mei he Lao ‘a e mā‘oni‘oni, pea tā na‘e pekia ‘a Kalaisi ta‘ehano ‘uhinga.

Neongo ko e tupu Siu kitaua, ‘o ‘ikai ko e ongo angahala mei he Senitaile, ka ‘i he‘eta ‘ilo ‘oku ‘ikai fakatonuhia ha tangata mei he ngaahi ngāue faka-Lao, kae ngata pē ‘i he tui kia Sīsū Kalaisi, ko ia, ko kitaua foki na‘a ta tui kia Kalaisi Sīsū, koe‘uhi ke ta ma‘u fakatonuhia mei he tui kia Kalaisi, ‘o ‘ikai mei he ngaahi ngāue faka-Lao: koe‘uhi ko e me‘a ki he ngaahi ngāue faka-Lao, ‘e tu‘u mola ai ‘a e kakano kotoa pē, ‘o ‘ikai hanau fakatonuhia mei ai.