Popular Bible Verses from KO ‘ISIKELI 7

Share

Ko ‘enau siliva te nau lī he hala, pea ‘e hoko ‘enau koula ko e me‘a te nau fakalili‘a ki ai: tala‘ehai ‘e lava ‘enau siliva mo ‘enau koula ke fakahaofi kinautolu ‘i he ‘aho ‘o e houhau ‘o Sihova; tala‘ehai te nau lava ke fakatopono ‘aki ‘enau mo‘ui, pe fakafonu ‘aki honau kete: seuke, ko e tūkia‘anga ia na‘a nau kovi ai.

Ko e tu‘i te ne fakamamahi, pea ko e nōpele ‘e no‘o ‘aki ‘a e tāfu‘ua, pea ‘e tete ‘a e nima ‘o e kainanga ‘o e fonua, Te u fai kiate kinautolu ke hoa mo honau ‘alunga, pea te u tautea kinautolu ‘o fakatatau ki honau fakamaau–pea te nau ‘ilo ko Sihova au.

Pea ‘e ‘ikai te u mamae‘i koe ‘e hoku mata, pea ‘e ‘ikai ha‘aku ‘ofa ‘e fai: ka te u ‘atu ho ngaahi ‘alunga kiate koe, pea ‘e hoko ki ho lotolotonga ho ngaahi fakalielia–pea te mou ‘ilo ko Sihova au.

Pea ‘e ‘ikai mamae‘i koe ‘e hoku mata, pea ‘e ‘ikai ha‘aku ‘ofa ‘e fai: te u ‘atu kiate koe, ‘o taau mo ha ngaahi ‘alunga, pea ‘e hoko ki ho lotolotonga ho‘o ngaahi fakalielia: pea te mou ‘ilo ko au Sihova ‘oku tā.