Popular Bible Verses from ‘Efesō 6

Share

He tala‘ehai ko ‘etau milimilisino ni ko e fai mo ha toto mo kakano; kaekehe, ko e fai mo e fa‘ahinga pule, mo fa‘ahinga ma‘u tu‘unga, mo e hou‘eiki fakaleveleva ‘o e fakapo‘uli ni, mo e ngaahi kongakau laumālie ‘a e kovi ‘i he ngaahi feitu‘u ‘o langi.

pea ‘i he faingamālie kotoa pē mou fai ho‘omou lotu ‘i he Laumālie ‘aki ‘a e fa‘ahinga hū kehekehe mo e kole, ‘o mou lama ke ma‘u ‘a e me‘a ko ia ‘i he fu‘u faka‘utumauku ‘o e hūfia ‘o e kāinga lotu kotoa pē

‘Ai kiate kimoutolu ‘a e mahafu kotoa ‘a e ‘Otua, koe‘uhi ke mou lava ke tu‘u ki he ngaahi tu‘utu‘uni kākā ‘a e tēvolo.

Ko ia, mou to‘o ‘a e mahafu kotoa ‘a e ‘Otua, koe‘uhi ke mou lava ke talitu‘u ‘i he ‘aho ‘o e fai mai ‘a e kovi; pea kuo lava kotoa pē kae tu‘u pē.

kae‘uma‘ā kuo mou to‘o ‘a e pā ko e tui, ‘a ia te mou lava ‘aki ke tāmate‘i ‘a e ngaahi ngahau vela kotoa pē ‘a e fili. Pea mou ma‘u ‘a e tatā tau ko e fakamo‘ui, mo e heletā ‘a e Laumālie, ‘a ia ko e Folofola ‘a e ‘Otua

Ko ia, ke mou tu‘u, kuo nono‘o ‘aki homou kongaloto ‘a e fai mo‘oni, pea kuo ‘ai ‘a e kofu tau ko e mā‘oni‘oni, pea kuo mou topuva‘e ‘aki ‘a e ‘osi teuteu mei he Kōsipeli fakamelino

Ngata mei heni, mou tuku ke fakakaukaua kimoutolu ‘i he ‘Eiki, ‘io, ‘i he ivi ‘o hono māfimafi.

“Faka‘apa‘apa ki ho‘o tamai mo ho‘o fa‘ē,” (ko e ‘uluaki fekau ia ‘oku ‘i ai hano tala‘ofa), “ka ke monū‘ia, pea ke nofo fuoloa ‘i māmani.”

‘A e fānau, mou talangofua ‘i he ‘Eiki ki ho‘omou mātu‘a: he ko hono totonu ia.