Popular Bible Verses from ‘Efesō 5

Share

Ka ko e me‘a ki he fe‘auaki mo e anga ‘uli kotoa pē, ‘uma‘ā ‘a e mānumanu, na‘a mo e lau ki ai ke mou faka‘ehi‘ehi mei ai, telia ‘a e taau ‘o e feangai ‘a e kakai lotu

Ko ia, mou tokanga ki ho‘omou laka fakatu‘utu‘uni, pe ‘oku fēfē hono anga, ‘o ‘oua te mou ngali ta‘epoto ai, kae ngali poto: mo mou lamalama ke ngāue‘aki ‘a e faingamālie, koe‘uhi ‘oku kovi ‘a e ngaahi ‘aho.

Pea ‘oua te mou konā ‘i he uaine, he ‘oku ‘i ai ha fakalusa ‘i he fai pehē; ka ke fakafonu kimoutolu ‘aki ‘a e Laumālie: ‘o mou fealēlea‘aki ‘aki ‘a e ngaahi saame, mo e himi, mo e hiva fakalaumālie, mo mou hiva mo tā ‘i homou loto ki he ‘Eiki; mo mou fakafeta‘i ma‘u pē ‘i he me‘a kotoa pē ki he ‘Otua ko e Tamai ‘i he huafa ‘o hotau ‘Eiki ko Sīsū Kalaisi

Ko ia, ‘oua te mou hoko ko e kau ta‘eloto, ka ko e kakai ‘oku mahino ki ai ‘a e finangalo ‘o e ‘Eiki.

‘a e kau tangata, mou ‘ofa ki homou ngaahi uaifi, ‘o hangē foki ko Kalaisi ne ne ‘ofa‘i ‘a e Siasi, ‘o ne li‘oa ‘a ‘Ene ‘Afio koe‘uhi ko ia

he neongo ko e koto po‘uli kimoutolu ‘i mu‘a, ka ‘i onopooni ko e koto maama kimoutolu ‘i he ‘Eiki: mou laka ‘o taau mo e fānau ‘a maama

mo mou feanganofo‘aki ‘i he ‘apasia kia Kalaisi.

‘a e kau fefine, mou anganofo ki si‘omou ngaahi husepāniti, ‘o hangē ki he ‘Eiki.

Ka ko kimoutolu foki fakafo‘itangata–‘ē, ke takitaha ‘ofa ki si‘ono uaifi ‘o hangē ko ‘ene ‘ofa kiate ia; pea ko e uaifi ke ne faka‘apa‘apa ki hono husepāniti.

“Ko ia ‘e tukuange ‘e he tangata ‘a e tamai mo e fa‘ē kae pīkitai ki hono uaifi; pea te na hoko ko e kakano pē taha.”

Pea ‘oua na‘a mou kau ‘i he ngaahi ngāue ta‘efua ‘o e fakapo‘uli; kaekehe, mou valoki ki ai mu‘a.