Popular Bible Verses from Tīmoté 2 1

Share

He ko e Laumālie na‘e foaki ‘e he ‘Otua kiate kitaua, na‘e ‘ikai ko e Laumālie anga fo‘i, ka ko e anga mālohi, mo ‘ofa, mo valoki.

‘A ia na‘a ne fakamo‘ui kitautolu, mo ne ui ki ha lakanga tapu; ‘o ‘ikai koe‘uhi ko ha ngāue ‘atautolu, ka koe‘uhi ko hono finangalo ‘o‘ona, pea koe‘uhi ko e kelesi na‘e foaki mai ‘ia Kalaisi Sīsū mei he ngaahi kuonga ‘o ‘Itāniti

Ko ia, ‘oku ou fakamanatu ai kiate koe, ke ke hunuaki ho‘o mafai mei he ‘Otua, ‘a ia ‘oku ‘iate koe ‘i he hilifaki ‘o hoku nima.

Ko ia, ‘oua te ke maa‘i ‘a e fakahā ‘o hotau ‘Eiki, pe te ke maa‘i au ko ‘ene pōpula: kaekehe, ke ke kau mo au ‘i he kai mamahi koe‘uhi ko e Kōsipeli ‘i he funga ‘o e māfimafi ‘o e ‘Otua.

Ko hono ‘uhinga foki ia ‘oku ou mo‘ua ai ‘i he ngaahi mamahi ni; ka ‘oku ‘ikai te u mā ai: he ‘oku ou ‘ilo pē ‘a ia kuo u tui ki ai, pea ‘oku ou ‘ilo pau ‘oku ne mafai ke tauhi ‘eku me‘a kuo u tuku kiate ia, ‘o a‘u ki he ‘aho ko ē.