Popular Bible Verses from Kolinitō 2 9

Share

Pea ‘oku mafai noa pē ‘e he ‘Otua ke ‘atu ke mou fonu mahuohua ‘i he fa‘ahinga foaki kotoa pē; koe‘uhi ke fe‘unga ho‘omou koloa kehekehe ‘i he taimi kotoa pē mo e me‘a kotoa pē, pea toe ha‘amou me‘a ke fai‘aki ‘a e ngāue lelei kehekehe.

Ke takitaha fai ki he me‘a kuo ne tu‘utu‘uni ‘i hono loto; pea ‘oua ‘e fai ‘i he mamahi, pe ko e pu‘ia; he ‘oku ‘ofa ‘a e ‘Otua ki ha taha ‘oku vēkeveke foaki.

Kae manatu, Ko ia ‘oku fakakaisi‘i ‘ene fakaheka ‘e fakakaisi‘i foki ‘ene utu mai: pea ko ia ‘oku fakakailahi ‘ene fakaheka ‘e fakakailahi foki ‘ene utu mai.

Pea ko ia ‘oku ne tokonaki ‘a e pulopula ki he tō mo e me‘a ki he kai, te ne tokonaki mo fakalahi ho‘omou pulopula, pea fakatupulekina ‘a e fua ‘o ho‘omou fai lelei: kae alaisia alaikolonga homou fakakoloa‘ia, koe‘uhi ke alaisia alaikolonga ho‘omou foaki, ‘a ia ko e me‘a fakatupu fakafeta‘i ki he ‘Otua, ‘i he‘emau tufaki.

‘Ē, fakafeta‘i mu‘a ki he ‘Otua, he‘ene me‘a‘ofa ko ia ‘oku ta‘emalaua.