Popular Bible Verses from Kolinitō 2 4

Share

lolotonga ‘oku ‘ikai te mau tokanga‘i ‘a e ngaahi me‘a ‘oku hā ni, ka ko e ngaahi me‘a ‘oku ‘ikai hā: he ko e ngaahi me‘a ‘oku hā ‘oku fakataimi pē, ka ko e ngaahi me‘a ‘oku ‘ikai hā ‘oku faka‘ītāniti.

Ko ia ai, ‘oku ‘ikai te mau fo‘i, ka neongo ‘oku ‘au‘auha homau nge‘esi tangata ni, ka ‘oku fai ai pē ‘a e fakafo‘ou ‘o homau tangata ‘i loto, ‘o hokohoko ‘aho pē. He ko homau mamahi ma‘ama‘a ni mo mole, ‘oku ne fakatupu ma‘amautolu ha lāngilangi mamafa mo ta‘engata, ko e me‘a fungani ‘i he fungani ange fau

Ko homau anga ē, ko e fetekeekina kimautolu mei he potu kotoa pē, kae ‘ikai ‘efitu‘ua; ko e fakapalalaua tu‘u kae ‘ikai hē ‘aupito; ko e tulia kae ‘ikai li‘ekina ki he fili; ko e te‘ia kae ‘ikai fakamate.

Ka ko e anga ‘o ‘emau ma‘u ‘a e koloa ko ia, ‘oku fa‘o hina kelekele, koe‘uhi ke ‘a e ‘Otua ai pē ‘a e makehe atu ‘o e mafai, ‘o ‘ikai ko e me‘a meiate kimautolu.

Kuo fakakui ‘e he ‘otua ‘o e tu‘u ko eni ‘a e ‘atamai ‘o e kau ta‘etui, koe‘uhi ke ‘oua na‘a hulu‘ia ‘e he ulo mei he Kōsipeli ‘o e lāngilangi ‘o Kalaisi, ‘a ia ko e ‘īmisi ‘o e ‘Otua.

He ko e ‘Otua ia na‘a ne folofola, ‘E ulo mai ha maama mei he po‘uli; pea ko ia ia kuo ne ulo ‘i homau loto, koe‘uhi ke ai ha ulo atu ‘o e ‘ilo ki he lāngilangi ‘o e ‘Otua, ‘i he fofonga ‘o Sīsū Kalaisi.