Popular Bible Verses from Tīmoté 1 6

Share

Tau ‘a e tau lelei ‘o e tui, puke ki he mo‘ui ta‘engata, ‘a ia ne ui koe ki ai, pea na‘a ke fai ‘a e tukupā lelei ‘i he ‘ao ‘o ha kau fakamo‘oni tokolahi.

He ko e ‘ofa ki he pa‘anga ko e aka ‘oku tupu mei ai ‘a e ngaahi kovi kotoa pē, pea ko e ni‘ihi ‘i he‘enau ala ki he me‘a ko ia kuo nau hē mei he lotu, pea kuo nau hokohoka‘i ‘aki ‘a kinautolu ‘a e ngaahi mamahi lahi.

Ka ‘oku mo‘oni ko e me‘a fakakoloa ‘aupito ‘a e lotu mo‘oni, ‘oka ō mo e loto topono.

He tala‘ehai na‘a tau ha‘u mo kitautolu ha me‘a ki māmani, koe‘uhi foki ‘e ‘ikai te tau lava ke ‘alu mo kitautolu ha momo‘i me‘a

Ke ke na‘ina‘i kiate kinautolu ‘oku koloa‘ia fakaemaama ko eni, ke ‘oua te nau anga hiki, ‘uma‘ā ke tu‘u ‘enau falala ki he koto ta‘ema‘u na ko e koloa; ka ki he ‘Otua, ‘a ia ‘oku ne ‘omi ‘a e me‘a kehekehe ‘o fu‘u lahi, ma‘atau fiemālie pē.

Ka ko kinautolu kuo pau honau loto ke koloa‘ia, ‘oku nau tō ki he ‘ahi‘ahi, mo e tauhele, mo e ngaahi holi kehekehe, ‘a ia ‘oku fakasesele pea ko e me‘a ‘oku te lavea ai; ko e fa‘ahinga me‘a ‘oku nau lōmekina ‘a e kakai ki he ‘auha mo e mala‘ia.

Na‘ina‘i ke nau ngāue ‘aonga, ke nau koloa‘ia ‘i he ngāue lelei, ke nau nima homo ‘o anga fietokoni; ‘o nau fa‘oaki ai ma‘anautolu ha tu‘unga lelei ki he ‘amui, koe‘uhi ke nau puke ki he mo‘ui mo‘oni.