Popular Bible Verses from Tesalonaiká 1 4

Share

hili ia, ko kitaua kuo ta tolonga ‘o a‘usia, ‘e punakaki kitaua fakataha mo kinautolu ‘i he ngaahi ‘ao ki he ‘atā, ke fakafetaulaki ki he ‘Eiki, pea hili ia te ta ‘i he ‘Eiki ma‘u ai pē.

Koe‘uhi ‘e hā‘ele mei he langi ‘a e ‘Eiki ‘e ia, pea ai ha vakavakaō, ‘a e angi ‘a ha ‘āngelo pule, mo e ifi ‘a e talupite ‘a e ‘Otua; pea ko e pekia ‘ia Kalaisi ‘e tomu‘a tu‘u

He ko eni ‘a e finangalo ‘o e ‘Otua ko homou fakamā‘oni‘oni‘i. ‘O pehē, ke mou faka‘ehi‘ehi mei he fe‘auaki. Ke mou ‘ilo takitaha ke ma‘u hono hama (uaifi) ‘o‘ona ‘i he fai mā‘oni‘oni mo e fakaalaala

He kapau leva ‘oku tau tui ne pekia ‘a Sīsū, pea toetu‘u, pehē foki ko e kakai na‘e fakamohe ko e me‘a ‘ia Sīsū, ‘e ‘omi kinautolu ‘e he ‘Otua fakataha mo ia.

Ka ‘oku mau enginaki atu, kāinga, ke fakautuutu ho‘omou hulu atu ‘i he me‘a ko ia, pea ke mou kakapa ke mou mo‘ui haunoa, pea ke takitaha fai hono lakanga, pea ke mou ngāue‘aki homou nima; ‘o hangē ko ‘emau tu‘utu‘uni kiate kimoutolu.

He tala‘ehai na‘e ui kitaua ‘e he ‘Otua ki he ta‘etaau, ka ke fai mā‘oni‘oni.