Popular Bible Verses from KO 1 SĀMIUELA 17

Share

Pea lea ‘a Tēvita ki he Filisitia, ‘Oku ke ha‘u koe kiate au mo e heletā, mo e ongo tao: ka ko au ‘oku ou ‘alu kiate koe ‘i he huafa ‘o Sihova Sāpaoti, ko e ‘Otua ‘o e ngaahi matatau ‘o ‘Isileli, ‘a ia kuo ke luki ki ai.

pea ke ‘ilo ‘a e fu‘u fakataha ni ‘oku ‘ikai fai ‘e he ‘Eiki ‘ene fakamo‘ui ‘aki ‘a e heletā mo e tao: he ‘oku ‘a Sihova ‘a e tau, pea te ne tuku kimoutolu ki homau nima.

Pea fai atu ‘e Tēvita ‘ene fakatau folofola, Ko Sihova na‘a ne hamusi au mei he pesipesi ‘o e laione mo e pesipesi ‘o e pea, ko ia ia te ne hamusi au mei he nima ‘o e Filisitia ko eni. Pea pehē ‘e Saula kia Tēvita, ‘Alu, pea ke ‘iate koe ‘a e ‘Eiki.

Ko e ‘aho ni ‘e tuku koe ‘e Sihova ki hoku nima; pea te u taa‘i koe, ‘o tu‘usi ho ‘ulu meiate koe; pea te u tuku ‘a e ‘anga‘anga ‘o e tau Filisitia he ‘aho ni ki he manupuna ‘o e ‘atā, pea ki he manu fekai ‘o e fonua; koe‘uhi ke ‘ilo ‘e māmani kātoa ‘oku ai ha ‘Otua ‘o ‘Isileli

Pea ne to‘o hono tokotoko, ‘o ne fili ha‘ane fo‘i kilikili molemole ‘e nima mei he tele‘a, ‘o ne ‘ai ki he ‘angame‘a ‘a kau tauhi na‘e ‘iate ia, ki he kato loto; pea kuo ne to‘o mai ‘ene makatā: pea ne ‘unu‘unu ki he Filisitia.

Pea fakatau folofola ‘a Tēvita kia Saula, Ke ‘oua na‘a vaivai ha loto ‘o ha taha koe‘uhi koe siana ko ē; ko ho‘o tamaio‘eiki ko au ‘e ‘alu ‘o tau mo e motu‘a Filisitia.