Popular Bible Verses from Kolinitō 1 6

Share

‘Io, ‘oku ‘ikai te mou ‘ilo koā ko homou sino takitaha ko e temipale ‘o e ‘afio ‘a e Laumālie Mā‘oni‘oni ‘iate kimoutolu, ‘a ia kuo hoko kiate kimoutolu mei he ‘Otua? pea ‘oku ‘ikai ‘amoutolu ‘a kimoutolu? He na‘e fakatau kimoutolu ‘aki ha totongi. ‘Ē, mou fakaongoongolelei ‘a e ‘Otua ‘i ho‘omou me‘a fakasino.

Tā ‘oku ‘ikai te mou ‘ilo ‘apē, ka ‘ilonga ha ni‘ihi ‘oku ngāue ta‘etotonu, ‘e ‘ikai hanau tofi‘a ‘i he Pule‘anga ‘o e ‘Otua? ‘Oua na‘a tuku ke kākaa‘i kimoutolu: ‘oku ‘ikai ha fe‘auaki, pe ha lotu ki he ‘aitoli, pe ha tono ‘unoho, pe ha mo‘ui fakapelepele, pe ha fai faka-Sōtoma, pe ha kaiha‘a, pe ha mānumanu, pe ha fa‘a konā, pe ha kapekape, pe ha fai fakamālohi, te ne ma‘u tofi‘a ‘i he Pule‘anga ‘o e ‘Otua.

‘Ē, hola pē mei he fai fe‘auaki. Ko e fa‘ahinga angahala kehekehe ‘oku fai ‘e ha tangata, ‘oku ‘i tu‘a sino ia; ka ko ia ‘oku ne fe‘auaki ‘oku ‘asi tonu ‘ene angahala ‘i hono sino ‘o‘ona.

Ko e me‘a kotoa pē ‘oku ngofua kia kita, ka ‘oku ‘ikai ‘aonga kotoa pē: pea ‘oku ‘a‘ata ke fa‘iteliha ki he me‘a kotoa pē, ka ‘e ‘ikai te te tuku ke fa‘iteliha ha me‘a ‘e taha kiate kita.

Pea na‘e fakatoetu‘u ‘e he ‘Otua ‘a e ‘Eiki, pea te ne fakatoetu‘u foki ‘a kitaua ‘i he māfimafi ‘a‘ana.