Popular Bible Verses from Bugaa Rom 3

Share

bugo ᵽe gutitil, ban ni gúbbur fugabil faa gasal gagu go Aláemit amaŋen me asenil. Bare Aláemit náreundeum ejogolal bugan gaĉole bújoŋorol, dó ᵽe mala min Yésu Kirista aᵽagenolal me no nasen me buroŋol bi búallor utilolal.

Aláemit najojoh bugan bugagu ᵽe gáinen me ni Yésu Kirista bugan gaĉole bújoŋorol. Nakanmokan bi ni ánoan áinene ni o. Maagen mamu, bugan bugagu gúbuliorut

Aĉila Yésu Aláemit aᵽi me naĉob bi éni bísimen babu baalen me bitiña-fiiñol, tima físimol fáyui me ni fúŋarul gaboket util waw waa bugan bugagu gáinen me ni o. Mamu, Aláemit nagitene búoh o naĉoĉol. Maagen naanaŋ namutemuten bireg akanut ni gaᵽin util waw waa bugan bugagu ; maer nagitene ñer maĉoleol min aĉolen nímoro ánoan áinene ni Yésu.

Yo eĉil me, mati baj an aŋare sembeol min akan wo gúboñ gagu gulob me iki ᵽilo min Aláemit ajogol an aĉole bújoŋorol ; gúboñ gagu, go, egitenolal waamme gatil bare.

ti Bahiĉer babu bulob yo me buoh : « Bajut an aĉole, mele an anur. Bajut an ajage, bajut an aliᵽe Aláemit. Bugan bugagu ᵽe bugan bugom galimbe, gúbahobaho ᵽooil. Bajut an ni bugo akane maaro, mele an anur.

Nújuale uogal maagen mamu : Aláemit najogolaljoh bugan gaĉole bújoŋorol mala gáinenolal ni Yésu, let mala búoh nukanalekan wo gúboñ gagu gulob me.

Múk ! Ukanal n’uinumolal gaa búoh Aláemit an ala maagen om, ban arafuhow ánoan abija nam. Maagen mamu, Bahiĉer babu bulobe mal Aláemit buoh : « Mbi maĉole mujugi ni gurimi, ban an ájuut aceŋ bataliŋeri. »