Popular Bible Verses from Proverbios 13

Share

Aints nekau ainaujai tsanias pujauka nekau aints wajastinuitai. Antsu netse ainaujai tsanias puja nuka wait wajaktinuitai.

Tunau chichamnaka nakitajai tinauka pengker awajmaminawai. Antsu aints nintimtsuk nukap chichainauka, ningki mesmamrartin ainawai.

Aints ni uchirin chichartsuk pujakka, uchirin aneatsui. Antsu uchirin aneakka, pengker pujusti tusa chicharkatnuitai.

Aints ni nakamurin wári wainchakka wake mesek pujuwitai. Antsu aints ni nakamurin wankangka nukap waraawai.

Pengker nintintin pase turatniunka nakitau asa, angkan pujuwitai. Antsu pase aintsnaka ni tunaaringkia mesratnuitai.

Anangkartinu kuikiari wári mengkawai. Antsu aints tuke takakmak, kuikiarin japtsuk yaitas irumrawa nuka ukunam kuikiartin wajasminuitai.

Wikia miajuitjai tumamaina nuka aya maanitan chichau ainawai. Antsu paan nintimtikiartin ainauka chikich aintsu chichamen anturin ainawai.

Aints Yusen umirin jakauka, wariri ainaun ni tirangki jukiarti tusa ukuktinuitai. Tura pase aints kuikiartin jakauka, wariri ainaun chichaman umiu jukiarti tusa ukuktinuitai.

Uchi nintimuka ni apari chicharam antuktinuitai. Antsu wishikiartinka chikich aints chicharmasha pachiatsui.

Aints chicharmasha antichuka kuikiartichu asa, natsanpiaku pujuwitai. Antsu chikich aints chicharkam antukamtikia, aints ainauka: Nekas pengker aintsuitai tusar nintiminawai.