Popular Bible Verses from Taitu 3

Share

Amma Ka̱shile, a̱yi na wi Kishi ka̱ tsu, u yotsongi tsu ma̱riki ma̱ ni n ucigi u ni. Wi isa tsu ta̱ adama a asuvayali a̱ ni. Adama a̱ usuɓi a̱ tsu a ɗa ba. U za̱Ꞌa̱ ta̱ unushi u tsu, ɗa u nekei tsu wuma u savu a̱ ubuta̱ wa Ayinviki a̱ Ka̱shile. Ka̱shile ka̱ tsuwa̱nka̱i tsu Ayinviki a̱ ni gbani adama a ili i na Yesu Kishi ka̱ tsu u yaꞋin. Ka̱shile ka zuwa ta̱ tso okpo babu unushi adama a̱ kasingai ka̱ a̱bunda̱i ka̱ ni. Gogo na ci yeve ta̱ ci ta̱ a̱ kuciya̱ wuma u babu uteku.

Dana uma a̱ nu kpamu a panaka ngono n aza a̱ gba̱ra̱-gba̱ra̱ o tsugono. Uma a̱ nu a pana kadanshi ka̱ta̱ o yongo ufoɓushi ayin tutu adama a na a yaꞋan ili i na i gaꞋin. Ka̱ta̱ a ula vuza n kawuya ba, ka̱ta̱ kpamu a iwan kanananai. O okpo aza a̱ a̱ɗu a̱ yuwu ka̱ta̱ a yaꞋan aza a babu a̱ra̱ɗi u yaba dem.

Ka̱ta̱ a cina wu a kadanshi ka tsulau a ukuna wi ili ya aza a cau a̱ tsu ba. Ka̱ta̱ a cina wu feu a kanananai n vishili a̱ ubuta̱ u kutono Wila̱ wa Ayahuda ba. IcuꞋu yi ili i kavama i nam pa i ɗa i tsu la̱nga̱sa̱ ayin wasasa.

Vuza wi baci a̱ kutuka̱ n kadanshi ka mawansa a̱ ka̱tsuma̱ ka̱ ɗa̱ adama a na u pece ɗa̱, ka̱ta̱ vu ɓarangu yi kute ka̱ta̱ kpamu vu ɓarangu yi ire. U pana baci ba, ka̱ta̱ i doku i yongo n a̱yi ba.