Popular Bible Verses from Kene 3

Share

Zuwa atsuvu! Mi ta̱ a kashani a̱ utsutsu a kudana, ‘AzakpaꞋa!’ Vuza na de dem u panakai mu, ɗa u danai mu n uwa, n kuꞋuwa ta̱ a kpaꞋa ka ka̱ta̱ n lyaꞋa ilikulyaꞋa n a̱yi.

N yeve ta̱ ili i na vi a kuyaꞋan, avu kpamu vi ta̱ku ko usuɗukpi ba. U kulaꞋa ta̱ n kugaꞋan vi yaꞋan ke te. Mi ta̱ a kuꞋiwan wu adama a na vi ta̱ e mere mi ili i nan lo ya.

N tsu ɓarangu ta̱ aza a na n cigai ka̱ta̱ n takacika le. Dakaka vi yaꞋan uteku u na va kufuɗa kuyaꞋan ra̱ka̱, ka̱ta̱ vu shika̱ unushi u nu.

N yeve ta̱ ili i na yi a kuyaꞋan. N yeve ta̱ uma a ɗika ɗa̱ azagbagbaꞋin ba. Vu tono ta̱ kuyotsongusu ku va̱, vu saꞋwa ta na feu kudana, ‘N nana ta̱ Yesu,’ ba. M ɓa̱yuwa̱ ta̱ utsutsu e kelime ka̱ nu vuza u kufuɗa wa̱ ɓa̱ya̱ngu ba.

Aza a na a lyaꞋi utsura wi ili i kavama, i ta̱ a̱ kuda̱sa̱ngu nu mpa a kakuba ko tsugono ka̱ va̱, uteku u na n lyaꞋi utsura, ɗa n da̱sa̱ngi n e Esheku a̱ va̱ a kakuba ko tsugono ka̱ ni.

Vu danai, ‘Mi ta̱ n uciyi, m ɓolonku ta̱ kpamu ka̱ci ka̱ va̱ ili n a̱bunda̱i. Mi a kuciga ili i yoku ba, ko kenu.’ Amma vi yeve uteku u na vi mayun ba: Ili ya asuvayali i ɗa vi; vu namba ta̱ ili dem; ka̱yimba̱ kaꞋa vi; vi ta̱ kpamu koshomboɗi.

Vu lulukpa̱ ta̱ uteku u na n danai nu vi yaꞋan. Adama a nannai, mi ta̱ a kukanza wu a ayin a na n kukondo uma a aduniyan ra̱ka̱, ka̱ta̱ n zuwa le a pana atakaci n a̱bunda̱i.

Mi ta̱ a̱ kuta̱wa̱ gogoꞋo. LyaꞋa kelime n kutsurakpa a̱ ubuta̱ wu uneki u ka̱ɗu u nu, ta lo vuza wa̱ fa̱ba̱na̱ oroliko a na va̱ kuciya̱ adama a na vi lyaꞋi.

Jimgba! Vu buwa n utsura ka̱u ba, u ɗa kpamu u gita̱ ta̱ kukotso. Adama a nannai, zuwa ili i na i buwai nu i doku i gbama ka̱u. Me ene ta̱ ili i na vi a kuyaꞋan i yawa ili i na Ka̱shile ka̱ va̱ ka cigai vi yaꞋan ba.