Popular Bible Verses from Kene 14

Share

Ɗa m panai ka̱la̱ka̱tsu ka zuva a kudana, “Ɗana ili i nam pa: Aza a̱ ma̱za̱nga̱ a ɗa, aza a na a̱ kuwa̱i punu a̱ ubuta̱ u kutono Vuzagbayin gogo na ali a kubana a uteku.” Ayinviki a̱ Ka̱shile a̱ ushuki, “E, i ta̱ a kuvuka adama a ulinga wa atakaci u le, ka̱ta̱ arabali a ulinga u singai u le u tono le.”

Ili i na ili i nam pa yi a kudana i ɗaɗa uma a̱ Ka̱shile e reme a̱ɗu. Na ele ɗa uma a na o tonoi wila̱ u Ka̱shile ɗa o tonoi Yesu mayun.

Ɗa u dansai n ka̱la̱ka̱tsu ka̱u u danai, “U gaꞋan ta̱ i neke Ka̱shile tsugbayin, ka̱ta̱ i dansa tsu na tsugbayin ci ni ci. Adama a na ayin a yawa yi ta̱ a na wa yaꞋanka uma a aduniyan afada. Nekei ni tsugbayin, adama a na a̱yi ɗa vuza na u yaꞋin gaɗi n iɗika, mala n ubuta̱ u na a̱shi a̱ mini i a̱ kuwa̱.”

Ɗa kalingata ka tatsu ko tonoi le, a kusala, “Uma a na i ra̱ka̱ o kutono ka̱di n ka̱ma̱li ka̱ ni, i ta̱ a̱ kuciya̱ urotu u ka̱di wa a̱ a̱ca̱n e le ko e ekiye e le. Ka̱shile ki ta̱ a kuzuwa le ra̱ka̱ o soꞋo ma̱kya̱n ma wupa ma̱ ni. Ma̱kya̱n ma nam pa a satara maꞋa m mini ba, ɗa Ka̱shile a̱ ka̱ci ka̱ ni u tsuwa̱in maꞋa a mataꞋan ma atakaci ma̱ ni. Uma a nam pa i ta̱ o kusoꞋo atakaci a̱ kukula̱ an farinwuta ɗevu n alingata a ciɗa a̱ Ma̱giri. Akina a na e kuneke le atakaci a kusaꞋwa kukima̱ ba. Ele na i a kucikpa ka̱di n ka̱ma̱li ka̱ ni ɗa kpamu i n urotu u kula ku ni, atakaci o kukotso we le ba, ko kenu.”

Ɗaɗa me enei Ma̱giri ma kashani a Kusan ku Sihiyona.† Uma a a̱kpa̱n amangatawun n a̱kpa̱n amangere n a̱kpa̱n a̱ na̱shi (144,000) a shamgbai koɓolo n a̱yi. Uma a nam pa a ele ɗa aza a na a ɗanai punu a̱ a̱ca̱n n e le ula a Ma̱giri a n Esheku a̱ ni.

Ɗaɗa me enei kalingata ko yoku kau a kuyaꞋan ciꞋimkpi gaɗi ka̱u. A̱yi a kubana kudana Arabali a Singai† a na i babu uteku wa aza a na i punu o kuyongo a aduniyan, koɓolo n uma a iɗika dem, n umaci, n elentsu, n ka̱tsura̱ feu.

Ɗaɗa kalingata ke ire ka imkpai gaɗi ka̱u tsu ka iyain ka a kudana, “Likuci i gbayin i Babila† i yikpa̱ ta̱! Na ɗa likuci i na tsugbani ci le tsu zuwai iɗika ra̱ka̱ yo okpoi ni nshinda̱. I ta̱ adanshi u neke le ta̱ ujari u tsugbani u ni, na wi ta̱ ta na a kuzuwa Ka̱shile ke neke le atakaci.”