Popular Bible Verses from Aza a Ibrahim 9

Share

Adama a nannai Kishi u kuwa̱i kute koci adama a na u takpa unushi u uma n a̱bunda̱i. Amma u ta̱wa̱ baci kpamu, adama a kutakpa unushi a ɗa kpamu ba. Wi ta̱ a̱ kuta̱wa̱ adama a na wi isa yaba dem vu na wi a kuvana yi.

Amma Kishi u yaꞋan unushi ba, ko kenu, amma ɗa u nekei ka̱ci ka̱ ni tsa alyuka u Ka̱shile a̱ ubuta̱ wa Ayinviki a na i n wuma ko wanai. Ɗaɗa i zuwai mpasa n ni n laꞋi n utsura ka̱u ɗa n zuwai a̱ɗu a̱ tsu o okpoi ciɗa a̱ ubuta̱ wi ili i na i tsu tuka̱ n ukpa̱. Gogo na ci ta̱ a kufuɗa tsa yaꞋanka Ka̱shile ka wuma tsugbashi!

Mayun ɗa yaba dem u kuwa̱ kute, ka nan lo ka yaꞋan baci ka̱ta̱ Ka̱shile ka yaꞋanka le afada.

Wila̱ u dana ta̱ ili ra̱ka̱ sai a zazaka i ɗa nu mpasa ka̱ta̱ i ɗa i ciya̱ yo okpo ciɗa. Ka̱shile feu ki a kucinukpaka n unushi babu mpasa n na n kuyotsongu ukpa̱ ba.

Na va ɗaɗa ili i na i zuwai ɗa Kishi wo okpoi vuza na u foɓusoi uzuwakpani u savu, ka̱ta̱ aza a na Ka̱shile ke ɗekei a̱ ciya̱ a isa una̱singai u na u kukpa̱ɗa̱ kukotso, u na Ka̱shile ka yaꞋin uzuwakpani. I ta̱ a kufuɗa kuyaꞋan ili i nam pa adama a na Kishi u kuwa̱ ta̱ ɗa u nekei uma uba̱ruwi† adama a unushi u na a yaꞋin ele biꞋi o kutono uzuwakpani u iyain wa.