Popular Bible Verses from Galatiya 5

Share

Amma Ayinviki a̱ Ka̱shile i baci o kutono n a̱tsu wi ta̱ a kumatsa ili i nam pa: I yongo m maciganai. I yongo kpamu m ma̱za̱nga̱. Yo okpo aza a̱ ma̱ta̱na̱. I yaꞋan n kureme ku ka̱ɗu ka̱ta̱ i ɓa̱nka̱na̱i. I yaꞋankpanai kasingai. I yaꞋan m mayun a̱ ubuta̱ wi ili dem. Yo okpo aza a̱ ma̱riki, n kuka̱na̱ ku ka̱ci ka̱ ɗa̱. Wila̱ wi lo u na u kufuɗa kusa̱nka̱ ɗa̱ kuyaꞋan ili i nam pa ya ba.

Adama a nannai n dana ɗa̱: ka̱sa̱kpa̱i Ayinviki o tono n a̱ɗa̱, ka̱ta̱ i ciya̱ i kpa̱ɗa̱ kutono ili i kavama i na i ci ci cikala.

Adama a na Ayinviki a̱ Ka̱shile e neke tsu ta̱ wuma u savu, yaꞋan ci yaꞋan ili i na u danai tsu ci yaꞋan.

Uma i baci o kutono Yesu Kishi, a̱ ka̱sa̱kpa̱ ta̱ uye wu unushi u le u kuyongo n kusheshe ku wuya ku le ra̱ka̱.

Yaba dem u yeve ta̱ ili i na a̱shawuya a ci yaꞋan: A tsu vaku ta̱ n vuza na i o yolo koɓolo ba. A ci yaꞋan ta̱ ulinga u wono, o ci yongo ta̱ e kusheshe ukuna u tsugbani ka̱u. A ci cikpa ta̱ a̱ma̱li. A ci yaꞋan ta̱ nkunu. A ci iwan ta̱ uma. A̱ ci shilika̱ ta̱ uteku u le. A tsu zuwa ta̱ uma e pece kumaci. A ci cikala ta̱ ili i uma. A ci yaꞋan ta̱ n wupa. A ci yaꞋan ta̱ n ucigi u ka̱ci ke le. E ci pecuku ta̱ ka̱ci ke le ugboku kakau. E ci pecuku ta̱ ugboku wawaꞋa. A ci yaꞋan ta̱ cisheꞋe ci ili i uma. O tsu soꞋo ta̱ ka̱ta̱ ma maka le. A tsu bana ta̱ ka̱ɗiva̱ ka na uma a̱ tsu kpa̱ɗa̱ kushiya aci e le, ka̱ta̱ kpamu a yaꞋan ili i kavama i yoku tsu nam pa. N kushangu ɗa̱ ta̱ ɗe, mi ta̱ a kushangu ɗa̱ kpamu: Aza a na a ci yaꞋan ili i nam pa i a̱ kuciya̱ una̱singai u tsugono tsu Ka̱shile ba.

Uma a̱ va̱, Ka̱shile ke ɗeke ɗa̱ ta̱ i ba̱ruwa̱! Amma ka̱ta̱ i ka̱sa̱kpa̱ uba̱ruwi u nan lo wo okpo ilaꞋatsu i na i tono a̱shawuya a̱ unushi u ɗa̱ ba. Kucikpa i ciganai ka̱ta̱ i yaꞋankpanai tsugbashi.

Ayinviki n ili i na i ci cikala i ta̱ a tsurala. I ta̱ a̱ vishili uteku u le ayin tutu, adama a na i kpa̱ɗa̱ kuyaꞋan ili i na i cigai kuyaꞋan.

Wila̱ ra̱ka̱ derere ɗa wi n kadanshi ku utsura ke te ka nam pa: “Ciga vuza uteku u na vi cigai ka̱ci ka̱ nu.”

Ka̱ta̱ ci yaꞋan a̱ra̱ɗi, ko tsu takacikanai uteku u tsu, ko ci yaꞋan cisheꞋe uteku u tsu ba.

Ci ta̱ n uba̱ruwi gogo na, adama a na Kishi ka zuwa tsu ta̱ tsu ba̱ruwa̱. Adama a nannai, shamgbai n utsura. Ka̱ta̱ i sabaꞋa yo okpo agbashi a̱ Wila̱ kpamu ba.