Popular Bible Verses from Kolosiya 1

Share

Ka̱shile ki isa tsu ta̱ a̱ ubuta̱ u vuza na wi a kulyaꞋa tsugono tsu ka̱yimbi. Ka̱shile kpamu ka̱ tuka̱ tsu ta̱ o tsugono tsu Maku ma̱ ni ma na u cigai ka̱u.

Ili i na i zuwai i ɗaɗa Ka̱shile ka yaꞋan ta̱ ili ra̱ka̱ wa̱ ni. Yesu u yaꞋan ta̱ ili ra̱ka̱ i na yi gaɗi n ili ra̱ka̱ i na yi a iɗika na feu. U yaꞋin ili ra̱ka̱ i na ci e kene, ɗa u yaꞋin kpamu ili ra̱ka̱ i na ci a̱ kukpa̱ɗa̱ kene. U yaꞋin icuꞋu i tsugono ra̱ka̱ nu utsura kakau ra̱ka̱ a̱ a̱da̱nga̱shile. Mayun ɗa Maku ma̱ Ka̱shile ma yaꞋin ili ra̱ka̱ adama a na ili ya ra̱ka̱ i neke yi tsugbayin.

Wi ta̱ lo kafu ili i na i buwai, a̱yi ɗa vuza na u tsu zuwa ili ra̱ka̱ yo okpo derere koɓolo mayin.

Yesu Kirisiti Kishi wi ta̱ derere n Ka̱shile, uma a kufuɗa kene Ka̱shile n a̱shi e le ba. A̱yi ɗa Magaji ma̱ Ka̱shile, wi ta̱ ta na n tsugono ci ili dem i na Ka̱shile ka yaꞋin.

Adama a nannai, ci ta̱ a kuyaꞋan kavasa ayin tutu adama a̱ ɗa̱. Ci yaꞋan ta̱ nannai ana tsu panai ukuna u ɗa̱, tsu ka̱sa̱kpa̱ ta na kuyaꞋan avasa ba. Tsu folonoi Ka̱shile ke neke ɗa̱ kuyeve mayin ki ili i na u cigai ɗa̱ i yaꞋan, ɗa tsu folonoi ni kpamu u neke ɗa̱ ugboji wu ukuna u ciɗa. Nannai kpamu tsu na i kuyongo wi ta̱ e kuneke Vuzagbayin tsugbayin ayin tutu, ka̱ta̱ u pana ma̱za̱nga̱ n a̱ɗa̱. Ayin tutu i matsa ili i singai adama a ulinga u singai u ɗa̱, ka̱ta̱ a̱ɗa̱ kpamu ayin tutu i yotsongu ucigi a kubana wa aza o yoku. I yaꞋan baci nannai, yi ta̱ a kuyaꞋan utsura ka̱ta̱ i gbonguro n kuyeve ku Ka̱shile ayin dem.